að fara í gang, krakkarnir öll búin að fara í hljóðfæratíma og ég kenni fyrstu vikuna í suz á mánudaginn. Svei mér þá ef púslið tekst ekki bara í ár! Færði reyndar tvo seinni mánudagstímana mína um kortér svo ég nái að skutla Freyju og Finni heim úr tónfræði og víólu.
Mánudagurinn verður þungur hjá Finni, skóli frá 8:50-14:05, beint í tónfræði, 14:30-15:20, víólutími 15:30-16:00, skutl heim, kór 17:00-18:45. Litist ekki á ef hann og Freyja þyrftu líka að koma sér sjálf heim, þess vegna varð ég að koma því þannig fyrir að ég gæti keyrt þau.
Allir krakkarnir eru svo í kór núna og Finnur líka í badminton, fyrir utan tónlistarskólana. Vonandi verður þetta ekki of mikið fyrir þau!
tölvuóða tónskáldið 
Mér líður eiginlega eins og ég vanræki börnin mín eftir þessa lesningu 🙂
haha, ég hef nefnilega næstum því á tilfinningunni að ég sé að ofrækja þau… 😛
Mánudagurinn hjá Finni er ansi langur. Góður svefn, skipulagning fyrir og eftir og matur nógur ætti að hjálpa mikið. Nú annars…ný skipulagning. Til lukku með fullan rekkann. Kærust kveðja, Gulla Hestnes
Gulla já, við sjáum til – en það er reyndar ekki sérlega auðvelt að umpúsla, ég gæti fært tónfræðitímann hans yfir á fimmtudag, en þá þyrfti hann samt að koma með mér og bíða af sér tímann. Lítið vit í því. Ekki séns að það sé hægt að hnika víólutíma og ég vil helst ekki að hann hætti í kór, honum finnst það svo gaman. Held við pössum upp á svefninn og matinn og ég ætla að tala við kennarann hans um að hann taki mánudagsheimanámið á þriðjudeginum í staðinn 🙂
úff tíu tíma stanslaus vinnudagur er nú kannski EINUM of fyrir hann.. getur hann ekki fengið heimanám í tónfræðinni?
heimanám í tónfræðinni hvernig þá? að ég kenni honum bara heima? Myndi svo sem ekki leysa neitt, eins og ég lýsi í kommentinu hér á undan. En hann fær pásu milli 4 og 5, sjáum hvort hann getur ekki slakað á þar.
þeas lært heima tónfræði, ekki fengið heimanám í tónfræði 😛
já ég skildi það þannig – en eins og ég sagði þá hjálpar það nánast ekkert, hann þarf þá bara að hanga niðri í Suzuki í rúman klukkutíma frammi á gangi, eða labba sjálfur þangað, ég er ekkert viss um að hann verði minna þreyttur þannig.
Hér er venjulegur skólatími barnanna 8:30 – 16:15. Og mín börn fara í „étude“ (vinna heimanámið) og ég sæki þau kl. 17:30. Að vísu er frí á miðvikudögum. Svo er Kári í tónlistarskólanum á mánudögum frá 18-18.50 svo þeir eru með álíka dag, drengirnir. Og bæði fara á miðvikudagseftirmiðdögum í fótbolta og tónó. Og Sólrún á eftir að fá gítartímann staðfestan. Nóg að gera hjá litlum krökkum með foreldra sem vilja gera vel!
Kristín, ágætt að heyra að það er ekki bara Finnur :þ
Líka skárra að þetta er fyrsti dagur eftir helgi, sem þeir hafa væntanlega hvílst, verra ef þetta væri á föstudegi eftir langa viku.
Já, Sólrún átti álíka dag í fyrra. Var hálf eftir sig í fyrstu, en þetta vandist fljótt. Börnin eru eins og við, ná upp hvíld þegar það er hægt.
Ekki mín. Hún var dauðþreytt eftir að vera frá 8.15 til 16.45 á hverjum EINASTA miðvikudegi í fyrra. Hún aðlagaðist bara ekki neitt um veturinn.
Þetta varð svo til þess að ég tók ekki í mál að hún væri bæði í píanói og skautum á sama degi núna. Reyndar eru skautarnir mikil líkamleg áreynsla, það gæti haft eitthvað að segja í því hvað hún var þreytt.
jamm, sjáum til hvernig hann lætur af sér.