Sarpur fyrir desember, 2005
skaupið var snilld, bara frábært. Og ég sem hafði ENGAR væntingar. Edda, takk 🙂
A C, an e-flat, and a G go into a bar.
The bartender says: „Sorry, but we don’t serve
minors.“ So, the e-flat leaves, and the C and
the G have an open fifth between them.
After a few drinks, the fifth is diminished and
the G is out flat. An F comes in and tries to
augment the situation, but is not sharp enough.
A D comes into the bar and heads straight for
the bathroom saying, „Excuse me. I’ll just be
a second.“
An A comes into the bar, but the bartender is not
convinced that this relative of C is not a minor.
Then the bartender notices a b-flat hiding at
the end of the bar and exclaims: „Get out now!
You’re the seventh minor I’ve found in this bar
tonight.“
The e-flat, not easily deflated, comes back to the
bar the next night in a 3-piece suit with nicely shined
shoes. The bartender (who used to have a nice
corporate job until his company downsized) says:
„You’re looking sharp tonight, come on in! This could
be a major development.“
This proves to be the case, as the e-flat takes off the
suit, and everything else, and stands there au natural.
Eventually, the C sobers up, and realizes in horror that
he’s under a rest.
The C is brought to trial, is found guilty of contributing to
the diminution of a minor, and is sentenced to 10 years
of DS without Coda at an upscale correctional facility.
On appeal, however, the C is found innocent of any
wrongdoing, even accidental, and that all accusations
to the contrary are bassless.
The bartender decides, however, that since he’s only
had tenor so patrons, the soprano out in the bathroom,
and everything has become alto much treble, he
needs a rest – and closes the bar.
alveg að sofna, alltof seint að sofa í gærkvöldi. Semja í dag, gekk bara vel, eiginlega búin með allan sönginn í messunni en á svolítið í land með að fylla upp í hljómsveitarpartinn.
Kóræfing áðan, yndislegt að syngja með þessum hóp. Allir jafn prófessional, fullt af smáatriðum sem bara gera sig sjálf og maður getur farið strax að einbeita sér að aðalatriðunum. Frábært að við séum búin að fá Ghislaine þjálfarann okkar aftur. Konan er snillingur, ekkert minna.
En ég var samt að farast úr syfju á æfingunni. Nú er ég búin að elda og borða spinatrisotto og drekka eitt hvítvínsglas. Ekki minnkar syfjan við það. Og hellingur eftir að gera í kvöld, stærsta boð ársins hjá okkur annað kvöld.
Hér kvarta ég og kveina, en grey Jón Lárus er enn í vinnunni, 11 tíma vinnudagur í dag hjá honum og hann þarf meira að segja að mæta eitthvað á morgun. Grrrr!
já og svo endurnýjuðum við kynnin við gamlan kunningja í kvöld, þennan leik áttum við í mörg ár, hann fór forgörðum þegar harði diskurinn fór í fyrra. Mér að kenna, reyndar, þar sem ég bað Þór gagnareddara um að bjarga bara gögnunum þar sem ég ætti öll forritin á diskum. Steingleymdi því að þessi er svo afgamall að ég átti hann bara á diskettum, reyndar ekki einu sinni svo gott því það eru mörg ár síðan ég henti öllum diskettunum. Ekki átt tölvu með diskettudrifi í 5 ár.
Keypti svo forritið á netinu í kvöld. Það er svo lítið að það þurfti ekki einu sinni að þjappa því. Tölvan gerði athugasemd við það. Hélt að það hlyti að vera eitthvað að sendingunni.
Þessi pistill er að mínu skapi. Hvað hefur maður eiginlega heyrt margar og misvísandi – en allar heilagansannleika – prédikanir um mataræði? Allt er best í hófi, það er okkar trú…
Bíóferð tókst í annarri tilraun, Textavarpið var með vitlausar upplýsingar, myndin var ekki sýnd í Kringlu klukkan átta. Bara í Álfabakkaanga Sammaranna. Við brenndum þangað, vorum komin uppeftir fimmoghálfa mínútu yfir átta. Þá var komið upp skilti: Uppselt á allar sýningar klukkan 20.00. Grrr. Við heim aftur, spurðum pössunina hvort hann gæti verið lengur en upphaflega samið um. Ekkert mál. Fórum í Háskólabíó klukkan tíu.
Ræman bara allt í lagi, húmorinn skilaði sér betur en í myndunum hingað til. Auðvitað vantaði heil ósköp miðað við bókina, ég saknaði sérstaklega örlaga Ritu Skeeter.
Passið ykkur á þessu gula jukki sem þykist vera ostabragð og maður getur stráð yfir poppið sitt. Ojbara. Eyðilögðum poppskammtana okkar :-@
Þá er það Potterinn í kvöld. Langt síðan við höfum farið í bíó. Gamla barnapían tekin og virkjuð aftur…
fyrsta æfing á kórpartinum í Mozartóperunni sem Hljómeyki er að fara að syngja með Melabandinu í janúar. Létt verk og löðurmannlegt, við vorum bara búin að setja niður 3 æfingar og mér sýnist það duga auðveldlega. Þurfum ekki einu sinni að kunna þetta utan að. En það er alltaf gaman að syngja með Sinfó. Gæti þurft að hnika til kennslu, samt. Den tid, den sorg.
Og á morgun er fyrsta æfing á prógramminu sem við í Carminu syngjum með Tallis Scholars. úúú. Hlakka ekki lítið til. Tallis Scholars er talinn einn albesti kór í heimi, ekkert semipró þar á ferð. Allt valdir söngvarar, þrælerfitt að komast í hópinn. Veit ekki alveg hvernig hann Árni Heimir afrekaði að við fengjum að syngja með þeim, kraftaverkamaður mikill. Þau syngja víst stundum tveggja kóra verk á móti öðrum kórum (við erum með eitt svoleiðis) en ég veit ekki til þess að þau hafi nokkurn tímann blandast öðrum kór og gert einn stóran fyrr en nú (2 verk sem við syngjum með þeim þannig) Kúl, kúl, überkúl 🙂
já, og það er víst alveg að verða uppselt á tónleikana. Miðar í 12 tónum…
ég í morgun…
og svo lýg ég því náttúrlega, ég fór ekkert á fætur svona snemma í morgun!
Tölvuvandræðin leystu sig eiginlega sjálf í gærkvöldi, ég var nú reyndar búin að þefa uppi að það væri vel hægt að skipta um örgjörva í tölvunni minni (hmm, væri kannski hugmynd, áður en Apple skiptir yfir í Intel, þá er ég með tölvu fyrir næstu 3-4 árin amk).
Fékk nebbla póst frá Apple IMC, millijólaognýársútsala hjá þeim, þám. 10 iBækur fyrir 85 þúsundkalla í stað hundrað þúsundkalla. Unglingurinn er búinn að fá fermingar/ekkifermingargjöfina sína nú þegar. Hér er Sims 2 búinn að vera í gangi í fleiri klukkutíma í dag. Unglingurinn alsæll.
sagan, já:
hún var um jólagjafirnar til dætra kærustunnar hans Óla. Hann hafði keypt handa þeim sitthvorn iPod nanoinn úti á Englandi. Þeim kærustunni fannst síðan ekki nógu sniðugt að þær skyldu geta giskað strax á hvað þær fengju. Þannig að Óli fór í Myndform, þar sem hann vann í nokkur ár, fékk hulstur af tveim workout DVD diskum með Ágústu Johnson, tók diskana og innvolsið úr, setti poddana í, lokaði og plastaði og pakkaði síðan inn. Til að gera gabbið enn öflugra pökkuðu þau gjöfunum síðan inn í mjúkar umbúðir til að dæturnar þekktu ekki DVD lagið á pakkanum.
Svipurinn á stelpunum (16 og 18 ára) var víst algerlega óborganlegur þegar þær sáu koverin…
Hér er annars allt húsið fullt af börnum, okkur fjölgaði skyndilega upp í sjö (átta með kettinum). Tvær Egilsstaðafrænkur í gistingu. Fífa og Þorgerður María horfa á Harry Potter niðri í sjónvarpsherbergi, krílin farin að sofa.
Var fjölskylduboð í Garðabænum í kvöld, nýjar jólamyndir komnar á myndasíðuna. Óli bróðir kom með afskaplega bloggvæna sögu við matarborðið, það versta er að ég get ómögulega munað um hvað hún var. Grrr. Pumpa hann á morgun. Hann fékk annars lánaðan The Julekalender (Hjörtur, ef þú ert að lesa, mig vantar enn bankaupplýsingarnar þínar til að geta borgað þér).
jólatónleikar sosum flestir búnir en það má nú lengi plögga…
Fékk þetta bréf frá honum Vigni Í grúppunni eru líka Jón Hafsteinn og Hjörtur.
Kæru vinir og vandamenn
Vil nota tækifærið til að minna á tónleika kórsins Stöku þriðjudaginn 27. des, þ.e. 3ja í jólum, í Langholtskirkju kl. 20:00. Aðgangseyrir á tónleikana er 1000 kr.
Dagskrá tónleikanna er bæði spennandi og falleg; Maríuvers og jólalög, bæði gömul og ný. Verk eftir Benjamin Britten, Niels la Cour, Báru Grímsdóttur, Harald V. Sveinbjörnsson, Karólínu Eiríksdóttur og fleiri..
Staka er íslenskur blandaður kór sem starfar í Kaupmannahöfn. Kórinn hefur á stuttum tíma aflað sér góðs orðstírs og hefur lagt áherslu á vandaðan tónlistarflutning norrænna verka og skipa íslensk verk að sjálfsögðu stóran sess í verkefnavalinu. Eftir vel heppnaða jólatónleika í Skt. Pauls kirkju var ákveðið að endurtaka leikinn á Íslandi. Stjórnandi Stöku er Guðný Einarsdóttir.
Langar að koma, sjáum til hvort maður geti skrapað kvöldið.
| þriðji í pakkaflóði. Er maður ekki mikið krútt? |  Finnur Originally uploaded by hildigunnur. |
Húsfreyjan vaknaði eldsnemma (9.45) og ákvað, vitandi að restin af fjölskyldunni myndi bókað sofa í klukkutíma í viðbót að það væri upplagt að steikja bandarískar pönnukökur og beikon handa okkur. Nú er það uppétið, allir sáttir og saddir, litli ormur og pabbi hans eru sestir inn við borðstofuborð að eiga við tæknilegóið sem sá yngri fékk í gær, systurnar horfa á ballett í sjónvarpinu (hmm, ég held reyndar að Princess’ Diaries sé að byrja) og ég á leið niður í rúm aftur að lesa.
lífið er gott 🙂
Jón Lárus er algerlega sokkinn í jólagjöfina sína. Búinn að setja inn varinhelluna hér heima sem fastan GPS punkt, mæla vegalengdina fram og til baka til tengdó og hraðann á okkur á leiðinni (hraðamælirinn í bílnum sýnir aðeins of hátt, eins og við reyndar höfðum grun um), já, og svo náttúrlega lesa bæklinginn í gegn. Verulega vel heppnað.
Fífu gjöf ekki alveg eins vel heppnuð, örgjörvinn í tölvunni ræður ekki við leikinn 😦 Kannski ekki skrítið, tölvan er að verða 5 ára, við höfum bætt við minni og fengið einu sinni nýjan harðan disk en það hefur aldrei vantað upp á örgjörvaaflið fyrr. Vona að það sé hægt að skipta, annars erum við í vondum málum…
Annars datt maður þónokkur ár aftur í tímann núna í kvöld. Íslenskt sjónvarpsleikrit með bad language og ömurlegheitum á jóladagskvöld. Horfði reyndar ekki á það, við Jón og systkini hans tvö vorum að spila Sequence og sjónvarpið var í gangi í næsta herbergi. Fyndið.
Letidagur í gangi, fyrri hluti gjafaflóðs afstaðinn og nú bara að borða konfekt og afgang af pörusteik og rauðkáli og sósu ásamt jólaöliogappelsíni og konfekthrúgum. Lesa jólabækurnar (humm, fékk reyndar enga, ráðast á Fífu bækur). Jólaboðið hjá tengdó í kvöld og mínu liði á morgun, þá seinni hluti flóðs.
Finnur var alsæll með stóra Geomag pakkann sem hann fékk, fyrsti pakkinn sem hann opnaði og hann sá eiginlega varla hina. Frábært að hitta svona vel í mark. Pabbi hans var líka nokk ánægður, ég splæsti að hans ósk í hlaupaGPS tæki, af Garmin gerð, mun heita Garmurinn héðan í frá. Ekki víst að hann fái stóra afmælisgjöf eftir mánuð…
Fengum líka spil sem heitir Sequence, víst mjög skemmtilegt. Hlakka til að prófa það.
Jæja, áframhald á letilífi. Till later.
og takk fyrir allt 🙂
tölvuóða tónskáldið 
Nýlegar athugasemdir