hér er tengillinn á Björgu og strákana. Voða VOOOÐA sætt 😀
Sarpur fyrir nóvember, 2006
frá Bound and Gagged:
að setja upp lista yfir allt sem á að gerast frá föstudegi til sunnudags.
Þetta er bara til að minna sjálfa mig á, þið þurfið ekkert að lesa frekar en þið viljið 😀
Föstudagur
12.00-14.30 Lesa fyrir próf í hlustun og greiningu með Fífu
15.00 Freyja í Suzukiskólann, æfing
16.00 Freyja í Grensáskirkju, æfing (svo önnur klukkan 17.00)
17.00 Finnur í afmæli
18.00 Sækja Freyju
19.00 Sækja Finn
20.00 Jólahlaðborð með Hafnarfjarðargenginu (mig langar eiginlega ekki lengur, en við búin að skrá okkur fyrir löngu síðan. Heim ekki seint)
Laugardagur
10.00 Finnur á kóræfingu, Langholtskirkja
11.30 Sækja Finn á kóræfingu
13.10 Freyja danssýning Sporthúsinu (þessu gæti þurft að sleppa, vegna þess að):
13.40 Freyja og Finnur mæting fyrir tónleika Grensáskirkju
14.00 Tónleikar hjá Freyju og Finni, Grensáskirkju. Finnur í einu atriði, Freyja tveimur
12.00-15.00 Jólaföndur Austurbæjarskóla HAHAHAHAHA!
10.00-22.00 Forval VG. Hlýt að komast þangað einhvern tíma dags.
20.00 Skuggaleikur í Óperunni. Verð að fara. Algjör skylda.
Sunnudagur
10.00 Fífa mætir í messu í Langholt.
12.50 Skutla köku í Blómaval fyrir kökubasar Gradualekórsins
13.00 Freyja afmæli, mæting í Skautahöll
15.20 Sækja Fífu í Blómaval
15.30 Sækja Freyju í afmæli
15.40 Freyja mæting í Fríkirkjuna, endurtekið efni frá laugardagstónleikum
17.00 Heim af tónleikum
Ég er pottþétt að gleyma einhverju. Bætt inn í eftir þörfum
Sárfegin að það er frí á Hljómeykisæfingu þessa helgina og að ég hef ekki verið sjanghæjuð í eitt einasta aðventukvöld…
margnefndur verður í Kastljósinu á morgun að mæma bakraddir 🙂
var allt í lagi í dag, alveg fram í næstsíðasta tíma, þá fór ég allt í einu að geispa hástöfum. Sem betur fer var síðan tónfundur í sal klukkan 6 þannig að ég gat tekið tónleikatíma fyrir tónheyrn 5 hópinn sem er frá 6-7. Sat svo þar og dottaði. Við Finnur erum síðan niðri í Suzukiskóla að bíða eftir að Freyja verði búin á kammeræfingu fyrir tónleikana á laugardaginn, þá sækjum við Fífu sem er með Gradualekórnum að syngja inni í Blómavali. Finnur notar tækifærið að læra fyrir skólann á meðan.
svona held ég næstu tvær vikur eða svo verði. Vonandi mínus syfjuna.
vó hvað þetta var leiðinleg færsla :-O
þekkið til í Hamborg þá er þetta fyndið.
með barnakóra/brass/slagverks/strengjaverkið 😀
Meira að segja betur búin en venjulega þegar ég tilkynni svonalagað, ég er ekki bara búin að setja niður allar nótur heldur líka öll styrkleika- og túlkunarmerki.
(á hins vegar eftir að fínpússa partítúrinn og búa til píanóútdrátt. Já og partana, en þar sem þetta verður ekki flutt fyrr en í vor liggur ekkert á þeim)+
Þá liggur fyrir styttra verk fyrir unglingakór a cappella
og svo blessuð sinfónían…
Verð að taka undir greinina sem birtist í dag í Fréttablaðinu: Latibær, alltaf hress, aldrei skemmtilegur. Ég næ engan veginn upp í að þetta fyrirbæri skuli seljast svona vel út um heim. Og ekki bara ég, krakkarnir mínir (6, 10 og 14) nenna aldrei að horfa á þættina. Plottin þunn og lætin yfirgengileg. Hér á bæ er þarafleiðandi engin pressa um að kaupa Íþróttaálfs- eða Sollu stirðu dót. Sem betur fer, því ekki er það ódýrt. Má ég frekar biðja um Stundina okkar eins og hún er skrifuð og leikin núna í vetur.
frekar lítið sofið um helgina. Hvað er þetta með að fara að sofa klukkan 3 og vakna samt klukkan hálfsjö? (minnir reyndar að ég hafi verið að kvarta undan sama fyrir ekki svo ógnar löngu)
Í morgun mokaði ég hins vegar Finni í skólann klukkan hálfníu, fór aftur í bólið og svaf til hálftólf. Eins gott, annars veit ég ekki hvernig ég hefði farið að því að kenna. Stundum gott að þurfa ekki að mæta í kennslu fyrr en eftir hádegið.
náði að laga þetta!
hvað er að gerast með aumingja litlu síðuna mína??? Ég gerði ekki neitt í template!
bloggaramatarboð hér áðan 13 manns í mat (með börnum reyndar), gríðarlega skemmtilegt. Segið svo að maður lími sig bara fyrir framan tölvuna og sjái aldrei fólk…
snarneita að kalla þetta kalvin og hobbes eins og þýðingin er í mogga. Gæti það verið vegna þess að kalli og kobbi voru í Þjóðviljanum forðum daga?
við Jón Lárus fórum á kynningu á frambjóðendum til forvals í VG eftir viku. Þar buðu frambjóðendur (flestir) upp á hinar glæsilegustu kökur, verst að það var ekki séns að prófa þetta allt saman.
Aðeins komið betur á hreint hverjir fara á listann minn, líka aðeins betur á hreinu hverjir gera það ekki. Ófyndnir dónabrandarar falla til dæmis ekki sérlega vel í mitt kram. (allt annað mál ef þetta hefði nú verið fyndinn dónabrandari. Hvað þá í betra umhverfi fyrir svoleiðis)
hér er tengillinn
ofurskemmtilegt. Hefði bara verið meira gaman að fá að syngja meira. Linkurinn á tónleikana virkar reyndar ekki nógu vel, tékka aftur á morgun.
á eftir, tónleikarnir byrja eftir tæpan hálftíma en við mætum ekki fyrr en 20.15 (erum bara á sviðinu síðustu 10 mínúturnar af tónleikunum)
Hvet ykkur til að hlusta í útvarpinu ef þið ætlið þá ekki að koma á tónleikana, þetta sýnist mér eiga eftir að verða mjög flott. Hlustið eftir hinu margumrædda as“i 😀
Er að koma mér í stemningu, á engan Wagner nema Siegfried Idyll og skv Finnboga telst það ekki með þannig að ég er að hlusta á Tod und Verklärung eftir Richard Strauss í staðinn. Væri ekki smá til í að spila það aftur en einhvern veginn efast ég um að áhugamannabandið eigi eftir að taka það fyrir. Brilljant stykki.
jamm, einkunnir fyrir haustönnina frágengnar.
Mikið kann ég vel við þessa 10 vikna kúrsa. Verst hvað maður fær ári lítið borgað, það er víst eitthvað samræmi þar á milli…
tölvuóða tónskáldið 
Nýlegar athugasemdir