púsl…

Freyja mætt klukkan 17:15 í Grensáskirkju.  Bíða smá.  Spila 10 mínútur.  Heim. Finnur mættur klukkan 18:15 í Grensáskirkju.  Skilað þangað, ég heim.  Bæði mæta klukkan 19:00, já í Grensáskirkju.  Hljómsveitaræfing.  Fá far heim.  Undirrituð mæta á æfingu í Seljakirkju 19:00.  Ekki hugmynd um hvenær heim.  Langar á tónleika hjá Vælunni og fleirum, byrja 20:00 í Neskirkju.  Langar á tónleika Vox Academica í Langholtskirkju, byrja 20:00.  Langar á tónleika Kristínar Bergs nemandar og hljómsveitar á Barnum.  Kannski séns, byrja 22:00.  Úff.

Uppfært. Æfingin mín í Seljakirkju var víst klukkan 17:30. Úps. Jæja, hefði ekki náð henni hvort sem var. Best að hringja í stjórnandann á morgun og biðjast afsökunar.

En þetta þýðir að ég næ á Rinascente tónleikana í Neskirkju. Gott mál.

og sá litli

er kominn með nýtt blogg, við getum ekki fyrir okkar litla líf munað aðgangsorðið hans að hotmail, til að hann geti haldið áfram á gömlu síðunni.  Munum reyndar ekki einu sinni netfangið hans, þar. Höfðum vit á að láta senda upplýsingarnar um nýju síðuna á mitt netfang… 

Grey’s Anatomy

keyptum okkur þriðju seríu á Amazon (erum ekki með stöð 2), datt inn í fyrradag. Horfðum á fyrsta þátt í gærkvöldi, þetta var bara eins og að hitta gamla heimilisvini aftur. Jafnvel þó við vitum að þriðja sería er ekki jafngóð og fyrstu tvær.Þá er bara að spara þetta fram að jólafríi, bannað að horfa á 4-5 þætti fram á nótt, eins og við áttum til með hinar seríurnar.

spenna

Litli gaur var gríðarspenntur í dag, var boðið í afmæli og það ekkert sérlega venjulegt.  Bekkjarfélagarnir voru sóttir á slökkviliðsrútu, fengu að skoða allt í krók og kring á slökkvistöðinni og renna sér niður stöngina frægu.   Fékk frí í tónfræði til að fara þetta, afmæli eru reyndar ekki afsakanir, venjulega, en svonalagað er náttúrlega spes. 

get ekki beðið

þrátt fyrir borðann og allt, ég er bara of montin. Freyja á selló, ásamt Daníel Pálssyni, lifandis ósköp af fiðlum og víólum, kenni slatta af þessum krökkum. Kennarar með í öllum röddum nema sellóinu. Hrifsaði upp myndavélina þegar lagið var flutt aftur, hélt að ég hefði náð því, en það vantar fyrstu 1-2 tónana. Má vel njóta, samt:(nei, ég á ekki útsetninguna, bara svolítið í sellóskottunni og pínupons í hinum.  Montin af krökkunum, ekki laginu) 

vó

er búin að setja jólalagið á jútjúbið og er þegar komin með 52 innlit á það. Án þess að birta það hér.

Gæti haft eitthvað að gera með tag sem ég setti á það. Líklega margir að skoða þetta tag.

Gæti auðveldlega orðið langhæsta vídjóið mitt.

nörd, nörd, nöööörd

Yfirleitt, þegar fólk kemur inn í stofu til mín í fyrsta sinn rekur það augun í þessar græjur úti í horni. Einhvern tímann kvölds kemur iðulega spurningin: Heyrðu, hvað er þetta annars, þarna, þessar rúllur? Lítur ekki út eins og magnarar, nei. Formagnari (lampa) og tveir kraftmagnarar, sinn fyrir hvorn hátalarann. Gæti reyndar fengið mér annað par af kraftmögnurum til að krossmagna, bassann öðru megin og diskant hinu megin. Fékk það (vafasama) hrós áðan að þetta væri alvöru audiophile setup, en reyndar gabbar plötuspilarinn fyrir neðan, við getum alls ekki spilað plötur núna, magnarinn er ekki með phono inngang, það er hægt að fá eina rúllutertu í viðbót með slíkum, buðum meira að segja í slíkan á ebay fyrir nokkrum mánuðum en hann fór hærra en við vorum tilbúin að borga. Kannski verða laser turntables einhvern tímann á þolanlegu verði. Ekki enn, ekki enn.

jippí

komin með 5 gíg í vinnsluminni og nýja hátalara. Þvílíkur munur. Gömlu hátalararnir voru generic fyrir gömlu tölvuna mína og virkuðu aldrei vel á þessa, maður heyrir í músíkinni núna. Er í augnablikinu að hlusta á þriðju sinfóníu Beethovens en það var enn meiri munur á Bítlalaginu sem ég spilaði áðan. Voffinn undir skrifborðinu með læti og allt.

Finn svo sjálfsagt meiri mun á hraða vélarinnar þegar hinir notendurnir eru farnir í gang og allir búnir að ræsa svona 3-4 forrit, nema ég kannski svona 10…

gaman gaman

Ljósið kemur

langt og mjótt, önnur útsetning mín, aftur er það tríóið hennar Freyju:

urrg

nú langar mig til að setja inn vídjó frá tónleikum Freyju áðan. Jólalag…

neibb, bíð þar til á laugardaginn. Ekki málið. Reyndar tvö af lögunum sem hún spilaði ekki jólalög, annað kemur á morgun. Nenniðvíkki núna.

Maður (fugl) verður að redda sér

þessi mávur er með það á tæru, greinilega.

leyndarmál kattanna

Skoðið fyrst þetta jútjúbmyndband og síðan þetta í beinu framhaldi. Mjá!

lángur dagur

tja, það er að segja, síðan ég vaknaði, svona rétt fyrir hádegið.

Sveik sjálfa mig og keypti jólavörur í dag (tja, verður maður ekki að kaupa aðventukransinn fyrir fyrsta í aðventu, annars)?

Keyptum líka fatahengi í nýja innganginn okkar, komið upp, ansi fínt bara.

Svo var auðvitað fiðludagurinn mikli. Paganiniútsetningarnar tókust gríðarvel og að sögn sönglagið líka. Við Fífa hlustuðum á í góða stund, ég held að allt konseptið hafi bara verið ógurlega flott, mismunandi þemu innan dagsins, flottir suzukinemendur byrjuðu, þá barokktónlist, kaffihúsatónlist, glæsitónlist (Paganini og Kreisler og þannig), þjóðleg tónlist og svo íslensk fiðlutónlist. Hefði alveg verið til í að sitja þarna bara allan daginn og hlusta.

En það var ekki boðið upp á það, ónei. Freyja átti að mæta á æfingu klukkan hálfsex og ég var líka búin að lofa Fífu að æfa með henni hljómsveitarnótur. Æfing Freyju var síðan alveg til rúmlega 7, þá átti ég eftir að keyra hana heim og ná í dót sem til stóð að skila á kóræfingunni (Elín, ég missti af þér!). sitja kóræfingu (kom aðeins of seint og liðið stóð skjálfandi fyrir utan), skjótast svo í leifarnar af partíi eftir fiðludaginn. Heim komin ríflega miðnætti. Væri þreytt, ef ekki væri fyrir upphaf færslunnar.

sinfógellurnar

(hmm, held það séu bara konurnar) verða með sitt dæmi klukkan 3 á morgun í Gerðubergi. Spila þar Paganínítilbriggdin en ekki sumarlagið, það er alveg í lokin, um hálfsex. Þar get ég ekki verið, muu, er að fylgja Freyju á langar æfingar fyrir jólatónleika stóru krakkanna í Suzukiskólanum á mánudaginn. Bögg að eiga bara einn bíl, annars gæti Jón Lárus séð um Freyju. Hmm. Púsla?

Annars á þetta lag bókað eftir að vera notað, á eftir að henda því hingað og þangað, upplagt fyrir fiðluhóptímasamspil í öllum Suzukipakkanum.

jólamatarilmurinn

sem barst inn í sal á tónleikunum í dag var reyndar fyndinn. Sérkennilegt að í hvert skipti sem dyrnar á salnum í Norræna húsinu opnuðust flóði inn ilmur frá kaffistofunni, af svínasteik með pöru, negulnöglum og lárviðarlaufi, brúnuðum kartöflum og sósu og öllu. Reyndar ekki ilmur af nýsoðnu rauðkáli, þá hefði ég nú líklega staðið upp og veifað Jólinmínbyrjaídesember fánanum mínum. Eða eitthvað.

Fux

Fífa og Sara vinkona hennar fengu með sér Arnbjörgu píanista og spiluðu stutta tríósónötu eftir Johann Joseph Fux á tónleikum áðan. Bara mjög flott hjá þeim. Náði ekki að taka alveg frá byrjun en hér er stærsti hluti Allegrokaflans.

tónleikar II

hjá Fífu, kammerhópurinn hennar spilar verk eftir Fux í Norræna húsinu klukkan 2 í dag. Næ örugglega ekki öllu verkinu inn á myndavélina, hún tekur bara svo stutta búta. Kannski hendi ég einhverju inn, sé til.

uppgötvaði

svo í morgun í pósti sem hann Albert sendi mér, ástæðuna fyrir skalla. Sjá hér:

Nokkrar aðrar góðar í pakkanum, gæti verið að maður driti þeim inn, svona smátt og smátt.

gláptum síðan á

Útsvarið eftir að við komum heim af tónleikunum. Einhver helblár kverúlant fyrir Garðabæ, héldum nú með þeim samt, ekki annað hægt. Kvenpeningurinn í liðinu verulega flottur (jú, ókei, sá bláleiti vissi reyndar helling Best að vera ekki svona leiðinlegur). Leikatriðið var snilld, bæði hjá sunddrottningunni og hinni stelpunni í liðinu sem bara gat allt eins og skot.

Þorgrímur Þráinsson kom síðan á óvart með að vera bæði fróður og skemmtilegur hinum megin. Líklega er ég bara með íþróttamannafordóma.

Forvitnilegt hvort Þorbjörn og compagnie lenda á móti Garðabæ, líklega á hann eftir að fá á sig nokkur skot ef svo verður. Hefði líka verið góður húmor ef þau hefðu valið hann sem gamlan Garðbæing til að hringja í.

óóóxla gaman

á tónleikunum, tala nú ekki um hvað kökurnar og sætvínið frá Hafliða var mikil snilld.

Hlakka til næst.