jæja, nú skulum við ekki bara mótmæla stjórninni hér, nú skal Bretinn fá að heyra það líka. Var að stofna flettismettishóp um að á milli borgarafundar í Iðnó á laugardaginn og mótmælanna klukkan 3, hópumst við niður að höfn á móts við Kolaportið, allir með einn tepoka (enskan eða skoskan, takk) og hellum teinu úr honum í sjóinn. Táknfræðin ætti að vera augljós. (já, kannski fáum við sekt fyrir að henda rusli, það verður bara að hafa það).
14:40 á laugardaginn kemur. Niðri við höfn. Mætum, og förum síðan á Austurvöll öll með tölu.
(hugmyndin kom upp á ircrásinni minni, ekki af mér sjálfri)
Blogga um þetta á morgun.
Skil þetta ekki. Íslendingar stálu af Englendingum. Kommon.
Jenný, kúl 🙂
Rósa, já það er satt og við skulum sannarlega ekki hætta að mótmæla þeim Íslendingum heldur.
Bretar eru nú samt ekki að koma vel fram við okkur, hvað er með að frysta eigur bankanna úti, gefa þeim ekki tækifæri á að borga, heimta það af okkur hér heima? Hvað er með að setja á okkur hryðjuverkalög? Ég veit ekki til þess að ég hafi stolið einseyringi af Bretum. Þeir eru að beina reiði sinni að mér og börnunum mínum og barnabörnum. Neitakk!
og Rósa, lestu færslu Meinhornsins, hér.
Og hananú! Annars var ég að taka eftir því að pokateið mitt er hollenskt – eru það ekki tvær ljótar flugur í einu höggi?
meinhorn, ekki er það verra 😀
Melrose´s, þetta íslenska, er enskt, er það ekki??
Þá mæti ég:)
Melroses er skoskt, eins og bæði Brown og Darling. Sigrún, endilega mæta!
Nú þyrfti ég að vera með netfangið þitt. Þarf að spyrja og spjalla.