Archive for the 'úff' Category



risastærsti

vísareikningur ever mættur á svæðið

Vona að það verði langt í að sameiginlegur reikningur okkar verði aftur tæp milljón!

Útskýringin er náttúrlega kórferðin til Tékklands sem var að stórum hluta keyrð á kortunum okkar.

Verður ekki vandamál að fylla kvótann til að kortin verði gjaldlaus í ár…

er að verða

pínulítið þreytt á þessu ofnleysi. Tja reyndar eiginlega svolítið mikið pirruð.

Heyrðum loksins frá rafvirkjanum og þessi teikning sem við fengum í hendurnar bara hreinlega dugir ekki til. Svo sem eins og við þóttumst vera búin að finna út.

Hann sendi eiganda Kokku póst og ég vona að hún sé að reyna að finna út úr þessu fyrir okkur. Höfum samt ekki heyrt neitt frá henni – gæti verið að hún hafi reyndar ekki gert reply to all.

Hlýtur að vera hægt að finna út úr þessu. Ekki reikna ég með að neinn sé að henda 60 cm gaseldavél með rafmagnsofni, frá Ilve til að við getum hirt úr henni stykki…

leiðindadraumur

er ekki alltaf þannig að þegar maður er stressaður og mikið um að vera þá dreymir mann eitthvað rugl?

Mig dreymdi allavega í nótt að ég hefði tekið að mér grunnskólakennslu, væri með fyrsta bekk, árið að verða búið, ég algerlega búin að missa öll tök á bekknum, brjálaðir krakkar, enginn hafði unnið heimavinnuna allan veturinn, ég hafði aldrei verið í sambandi við foreldrana, allt í kássu.

Frekar fegin að vakna…

arggghh!

haldið þið ekki að TM gengið (nei, ekki Tryggingamiðstöðinni) séu líka að setja upp höfuðstöðvar í Skúlatúni 2?

Lesið bara hér um pakkann.

Mér finnast þetta algerlega afleitir nágrannar :<

sjaldan

eða aldrei, svei mér þá hefur þessi gamli þreytti brandari átt betur við en núna:

Úff, erfið helgi, verður gott að komast í vinnuna!

oooooojjjjjj!

ég er ekki viss um að ég tali framar í gsm síma…

alveg er það magnað

að veðrið skyldi snarbatna akkúrat meðan á 13-stráka-afmælinu stóð þarna í gær.

Gat sent þá út í garð og reyndar seinnipart afmælis út á leikskólalóð að hamast. Algjör snilld. Þurfti bara einu sinni að reka þá ofan af skúrþökum í ár, það var eins og að hafa hemil á kattahjörð í fyrra.

íbúðin mín

er í rúst.

En vel þess virði fyrir vel heppnað strákaafmæli.

Nóg af pizzum eftir, smá ofmetin pizzuátsgeta.

Enn fimm eftir. Best að reka þá heim – alla nema frænda hans sem verður áfram fram á kvöld. Þeir verða bara að spila í rólegheitum ef ég þekki þá rétt.

Jón Lárus slapp ansi vel í dag, ég er að hugsa um að leyfa honum að taka þátt í tiltekt og þrifum á morgun…

dagurinn

Kjósa
Búð (vantar í afmælismatinn í kvöld)
Tékka á ferskum kræklingum
Freyja á kammeræfingu
Tónleikar hjá yngri krökkunum
Aðrir tónleikar hjá yngri krökkunum
Taka til
Hnoða í og steikja tvöfaldan skammt af tortillum
Taka á móti 10 unglingsstelpum sem eru að koma í gistiafmæli
Steikja hakkjukk fyrir tortillur
Gefa stelpustóðinu að borða
Senda stóðið niður í yngriunglings herbergi og/eða sjónvarpsherbergi
Blása upp tvær stórar og eina litla loftdýnu
Varpa öndinni léttar
Horfa á kosningasjónvarp

Smá prógramm í dag semsagt. Svolítil skörun, (JLS og Fífa taka til og hnoða í tortillur meðan ég er með krakkana á þessum tvennum tónleikum).

Gleðilegar kosningar, kjósið nú samkvæmt sannfæringu og endilega notið kosningaréttinn, hann er ekkert sjálfgefinn.

beðið

eftir unglingnum þau koma varla í bæinn fyrr en um eittleytið í alfyrsta lagi, lögðu af stað frá Reykjum klukkan níu og ekki er færið nú til hraðaksturs.

Syyyyfjuuuuð…

næsta vika

lítur frekar svakalega út.

Fyrir utan venjulegu kennsluna er ég að syngja með Sinfóníunni, 3 aukaæfingar þar, + tónleikar og svo er ég með 12 1/2 tíma kúrs, Hljóðfærafræði mannsraddarinnar, í Listaháskólanum. Held ekki ég muni geta mikið samið í vikunni…

frétt

um brunann, hér.

úff, ljóta ruglið

eldurinn í dag, á þriðju hæð hússins er Íslensk tónverkamiðstöð til húsa, þar sem langstærsta safn íslenskrar tónlistar á nótum er geymt.

Staðan er þannig að auðvitað liggur safnið að vissu leyti undir skemmdum, raka- og sót, það náðist að bjarga glænýju öryggisafriti af skönnuninni en það á samt eftir að skanna um 3000 verk. Sjáum fram á að vera að skanna pappír sem hefur orðið rakur, því þó það hafi tekist að breiða yfir allt dótið smýgur rakinn og sótið um allt, að ég tali nú ekki um reykjarlyktina.

Framkvæmdastjóri hringdi strax í mig, sem stjórnarformann og svo formann Tónskáldafélagsins og við komum eins og skot, ég sleppti krökkunum í Listaháskólanum úr síðasta tímanum. Umferðaröngþveiti var í Síðumúla þannig að ég lagði bara hjá einhverju fyrirtæki og hljóp á staðinn.

Framkvæmdastjóri fékk að fara inn í hús og gat sótt öryggisafritið sem hafði verið í gangi alveg fram yfir bruna – rafmagnið hafði ekki verið tekið af öllu húsinu – ásamt öðrum afritsdiski og einni fartölvu. Svo þarf náttúrlega að þrífa og þurrka, einhver verður væntanlega þarna í alla nótt, ekki má hætta á að það komi pollur einhvers staðar á vondan stað.

sit hér enn

bara að bíða eftir því að sjá tölur frá forvalinu. Er annars alveg að fara yfirum úr syfju. Lélegt…

nú fer ég

að hafa áhyggjur af Alzheimers Light

Var sveimérþá búin að steingleyma einni pöntun. Mundi eftir tveimur en sú þriðja algerlega dottin úr mér. Semsagt með þrjú verk í gangi.

Held ég…

hljóðblanda

mjög áhugaverð hljóðblanda í gangi hér heima núna

Fífa er að æfa sig, Freyja bæði að horfa á sjónvarpið og spila Sims og ég að reyna að hlusta á Caput tónleika frá Myrkum músíkdögum á Rás eitt.

Spes.

jahá

það er víst komið nýtt ár. Aftur. Hvernig gerist þetta eiginlega alltaf?

bretinn er klikk

mikið fegin

hvað stelpurnar hafa (allavega hingað til) verið lausar við unglingastæla að ráði, maður áttar sig ekki á því almennilega held ég, þar til alvöru tilfelli verða á vegi manns.

Var semsagt, ásamt Jóni Lárusi og Freyju í Krónunni í dag. Þar var móðir með tvær unglingsstelpur, svona kring um 12-14 ára. Mamman bað aðra stelpuna að teygja sig upp í hillu í ostakælinum, sú gerði það, systirin (eða það hugsa ég) var beint fyrir aftan. Sú fyrri steig síðan aftur á bak niður, beint á stórutá hinnar. Sú æpti upp yfir sig, enda þetta væntanlega ekki sérlega þægilegt. Sú fyrri: FyrirGEFÐU!!! Hvæst. Með þvílíkum svip. Strunsaði að innkaupakörfunni og þrykkti ostinum ofan í af öllu afli. Freyja horfði á í forundran og við líka. Mamman sagði ekki orð – var reyndar ekki alveg ofan í stelpunum og ekki víst að hún hafi heyrt „fyrirgefningarbónina“.

Hormónasprengjur dauðans…

úfff

kíkið á þetta.

Hélt fyrst að það væri fótósjoppað, en það virðist reyndar ekki vera.


bland í poka

teljari

  • 373.341 heimsóknir

dagatal

júní 2021
S M F V F F S
 12345
6789101112
13141516171819
20212223242526
27282930  

sagan endalausa