Archive for the 'snilld' Category

hraðamet

Kokkteillinn virkaði, veit ekki hvað af dótinu gekk svona heiftarlega frá hæsinni, kannski blandan, en allavega mætti röddin á svæðið í gær og betri í morgun.

Söng semsagt með, gekk ágætlega í morgun en tók samt eitt stykki samþjappaðan raddreddsterakúr. Held hann hafi gert nákvæmlega ekkert fyrir mig, fann engan mun frá í morgun. (nú er að vita hvort ég get sofnað í nótt…).

Titillinn já. Sett var hraðamet á Messíasi hér á landi í kvöld. Stjórnandinn, Matthew Halls, þandi kórinn til síns ýtrasta (og vel það stundum) í kóloratúr. Það fyrirgafst honum hins vegar fyrir að vera sá hinn almest inspírerandi stjórnandi sem ég hef á ævinni unnið með. Hreyfingarnar, útgeislunin, snerpan alveg magnað allt saman. Hefði helst viljað endurtaka þetta á morgun og hinn! Hann harðbannaði okkur að skrifa inn styrkleika- og hraðabreytingamerkingar því það yrði allt saman spontan. Gríðarlega töff.

Hlakka til (að mestu leyti) að heyra þetta á jóladag – stillið endilega á Rás 1 og njótið, þið sem voruð ekki í salnum. Vildi óska að það hefði verið sjónvarpsupptaka…

rakst á

snilldar ljóð á vafrinu um lýðnetið. Spurning um að taka þetta til sín, já sem flestir jafnvel?

Somebody said that it couldn’t be done,
But, he with a chuckle replied
That “maybe it couldn’t,” but he would be one
Who wouldn’t say so till he’d tried.
So he buckled right in with the trace of a grin
On his face. If he worried he hid it.
He started to sing as he tackled the thing
That couldn’t be done, and he did it.

Somebody scoffed: “Oh, you’ll never do that;
At least no one has done it”;
But he took off his coat and he took off his hat,
And the first thing we knew he’d begun it.
With a lift of his chin and a bit of a grin,
Without any doubting or quiddit,
He started to sing as he tackled the thing
That couldn’t be done, and he did it.

There are thousands to tell you it cannot be done,
There are thousands to prophesy failure;
There are thousands to point out to you one by one,
The dangers that wait to assail you.
But just buckle it in with a bit of a grin,
Just take off your coat and go to it;
Just start to sing as you tackle the thing
That “couldn’t be done,” and you’ll do it.
~Edgar Albert Guest

fyrir þá

sem nota Firefox og langar ekkert sérstaklega til að fá nýjustu uppfærslur um bakspikið á Beyoncé og appelsínuhúðina á Kristy, þá er viðbótin hér algjör snilld. Gætuð þurft að sækja lítið forrit til að virkja viðbótina en síðan ég virkjaði hjá mér get ég bara alveg farið inn á vísi punktur is án þess að verða óglatt. Mæli með þessu.

óvenjuleg útgáfa af Rakaranum

haha, þetta er klikkað flott! Og er ég þó ekki mikið fyrir Hooked on Classics nema síður sé…

vaaaaá!

já, þetta hvarf bara! Prófa aftur…

hrrm, jæja, smellið þá bara hér. Vel þess virði.

orgelhopp

ansi hreint flinkar þessar:

vaaaaaá

hvað þetta voru ótrúlega flottir tónleikar í kvöld. Þvílík hátíð búin að vera í gangi í Salnum, Tónlistarhátíð unga fólksins, hverjir tónleikarnir öðrum flottari en svei mér þá ef kvöldið í kvöld sló allt út. Sellistinn, Benedict Klöckner að öllum öðrum ólöstuðum hlýtur að vera stjarna hátíðarinnar.

Mathias Susaas Halvorsen, Joachim Carr og Elfa Rún Kristinsdóttir stóðu sig líka stórkostlega vel í kvöld.

Kærar þakkir fyrir mig.

hún frú

Lauga er mætt á svæðið með bændamarkaðinn sinn. Kíktum þangað í gær og keyptum hrrrrikalega góðar risastórar gulrætur, reykta andabringu, hnúðkál og ógurlega gott salat sem heitir strandblaðka.

Þarna fæst auðvitað heilmargt fleira, egg, ís, rabarbari, svínakjöt, olíur og edik og meira að segja handgerðar sápur. Eigendur lofa síðan enn meiri fjölbreytni fljótlega.

Mæli sterklega með markaðnum, hann er á Laugalæk 6, við hlið nýju Ísbúðarinnar og 10-11 hinum megin.
Hér er heimasíðan, kíkið endilega.

til hamingju

Nobilistelpur með silfur og brons í Llangollen keppninni!

sjá silfurframmistöðuna hér, fyrsta lagið á ég…

pes

er flottur…

man ekki

hvort ég hef hent þessu hér inn, en flott er það og vel þess virði að rifja upp…

Dagur 3 – Herragarðsheimsókn

1. júní, afmælið hennar Fífu, fékk bók í afmælisgjöf frá okkur (The Graveyard Book eftir Neil Gaiman, sama og skrifaði Coraline (sem NB er hvorki barnabók né (alls ekki) barnamynd þó hún sé leir/teiknimynd)).

Þennan dag áttum við heimboð hjá Þóri ræðismanni í Prag og Íu konunni hans á herragarðinn þeirra um 100 km fyrir utan Prag.

Út í hraðbanka að taka út pening, nógu oft þurftum við að gera slíkt í ferðinni. Rataði á góðan peningaskiptimarkað, þurfti ekki að borga fyrir að skipta í hundraðkalla (gleymdi að nefna það í gær, hraðbankarnir skila aðallega af sér í þúsundköllum tékkneskum ef maður biður um þannig upphæð og ég hafði þurft að borga alveg 5% af upphæðinni daginn áður til að geta látið stelpurnar hafa matarpeninga yfir daginn). Upp á hótel, upp á æfingu stelpnanna á efstu hæðinni, engin lyfta, giska á 5 hæðir. Stelpurnar sem gistu þar uppi voru í fínu tröppuformi eftir Prag.

Messuðum yfir liðinu að vera mætt í matsal hótelsins klukkan 3 slétt þar sem Grétar bílstjóri ætlaði að stoppa og taka okkur upp í á stað þar sem rútur mega eiginlega ekki stoppa, það er bannað að keyra á rútu inn í Prag á virkum dögum og við þurftum að labba út að á og hitta á hann á slaginu hálffjögur. Enginn séns fyrir hann semsagt að stoppa og bíða eftir okkur neitt. Gáfum okkur kortér í labbitúrinn en að safna saman svona stelpuhóp er eins og að smala köttum þannig að kortér enn var gefið til öryggis.

Eitt pöbbastopp, reyndum að finna blessaðan Masterinn, tókst ekki, hann var búinn á kránni sem Jón Lárus hafði fundið hann daginn áður. Bögg. Sáum hins vegar þennan:

Fórum smá rúnt um bæinn, keyptum langlokur í hádegismat í Tesco og fylltum á sjúkrakassann, vantaði hælsærisplástra og svo auðvitað hálstöflur, ekkert skil ég í mér að klikka á hálstöflum í kassann! Á leið heim stoppuðum við á veitingastað, ég fékk það albesta eplastrudel sem ég hef á ævinni fengið. Með karamellusósu, rjóma og ís. (hmm, nú langar mig í eplastrudel). Þjónustan þar var reyndar ekki upp á marga fiska, nánast enginn á svæðinu en við þurftum að bíða í einn og hálfan óratíma eftir kökunni. Mætti halda að þeir hafi þurft að gera smjördeigið og vanilluísinn frá grunni.

Vorum orðin stressuð þegar við fengum loksins köku, báðum um reikninginn strax og gleyptum í okkur. Synd, en ekki máttum við jú vera sein á hótelhittinginn. Hefðum reyndar getað slappað meira af, engin stelpnanna kom fyrr en 5 mínútur yfir 3 og þegar klukkan var orðin kortér yfir voru enn kettir að þvælast utan smölunarhópsins. Hvesstum okkur smá og hlupum af stað í átt að rútunni. Bílstjórinn var orðinn frekar stressaður en þetta náðist nú allt saman – samt fullnákvæmlega fyrir minn smekk. Síðustu stelpurnar komu hlaupandi beint upp í bíl. En náðist.

Ekið að herragarði ræðismanns og frúar. Frábærar viðtökur, æðislegt hús, snilldarmatur og drykkur, júneimitt! Nokkrar myndir:

stelpur fyrir framan
veitingar
hluti veitinganna

alsæll kórstjóri
húsráðendur
húsráðendur
í gestahúsi
sungið í listamannabústaðnum
ég og Þórir
undirrituð ásamt Þóri ræðismanni
hópurinn
kórinn með Elvu fimleikastjörnu.

Stelpurnar sungu svo nokkur lög sérstaklega fyrir Íu, þar sem hún komst ekki á tónleikana í Prag. Eitt dæmi hér:

Innilegar þakkir fyrir okkur, enn og aftur! Fífa var ekki smá ánægð með að fá afmælisveisluna sína á herragarði…

Aftur í bæinn, ekki höfðu allar haft vit á að fá sér vel af veitingunum á herragarðinum, þannig að sumar voru svangar. Vorum að spá í að gefa liðinu Makkdónalds en hættum við, þar sem það er álíka dýrt í Prag og í Reykjavík, fórum í staðinn á stað þar sem fengust pizzusneiðar, heilmikil rekistefna hvernig ætti að panta pizzur þar sem þrjár stelpur myndu deila hverri. Tókst á endanum, allir fengu pizzusneið og gos. Á staðnum var víst resident perri sem stelpurnar höfðu ómælt gaman af, við misstum alveg af honum enda fórum við upp á hótel um leið og pantanirnar höfðu skilað sér, þrjár stelpur voru þar og við færðum þeim pizzu. Hinar gerðu sér að leik að leggja perragildrur, ég þarf eiginlega að heyra aðeins meira af þessu…

Allavega fáránlega gott að komast upp á hótel. Þetta kvöld byrjaði dreifing á Panodil Hot og Strepsils. Átti eftir að verða meira um það.

frábær grein

ég er að hugsa um að fara að beita þessum aðferðum á krakkana. Höfum reyndar gert hluta af þessu, bara ekki markvisst.

Væntanlega er það ekki of seint.

óóógeðslega flott

þetta:

töff

þetta.

smá útskýring

með pákuleikarann sem sló í gegn.

eins og Ella giskaði réttilega á, sló hann í gegn um pákuna – skinnið hefur væntanlega verið veikt fyrir. Brást óaðfinnanlega við, sneri pákunni og kláraði kaflann, skaust síðan fram í næsta kafla sem hann var ekki að spila í, hringdi í rótara, skipaði þeim að fara heim til hans og sækja hans prívat pákusett og koma með PRONTÓ! svo svona tíu til fimmtán mínútum síðar var annað sett komið, fyrst fyrir pákuna sem brást, svo milli hluta í verkinu var hinni pákunni laumað inn – mun betra að hafa sett sem passar saman.

Ég skil eiginlega ekki hvers vegna Frank pákuleikari var ekki látinn standa sérstaklega upp og hneigja sig í lokin fyrir þessa glæsilegu björgun…

(hér má heyra upptökuna, pákuslagið er í lok annars kafla, ruv.is sýnir því miður ekki nákvæman tíma til að segja ykkur)

níðvísur

Málbeinið bauð níðvísur í tilefni gærdags, ég rétt náði að rétta upp hönd og fá eina (nánast neðst í kommentum). Tóm snilld, takk fyrir mig.

víííí

Lóan mætt. Vorið á leiðinni.

Lóan
(mynd rænt frá Mogga og Jónasi í Fagradal – takk)

textinn við heimsósómann

kemur hér, lesið nú:

Heimsósómi
Hvað mun veröldin vilja
hún veltist um svo fast
að hennar hjólið snýr?
Skepnan tekur að skilja
að skapleg setning brast,
og gamlan farveg flýr;
(og) hamingjan vendir hjóli niðr til jarðar,
háfur eru til einskis vansa sparðar,
leggst í spenning lönd og gull og garðar
en gætt er síður hins, er meira varðar.

Þung er þessi plága,
er þýtur út í lönd
sárt er að segja‘ í frá,
millum frænda og mága
magnast stríð og klönd,
klagar hver mest er má;
á vorum dögum er veröld í hörðu reiki,
varla er undur, þó að skepnan skeiki,
sturlan heims er eigi létt í leiki,
lögmál bindr, en leysir peningrinn bleiki.
_ _ _

Hvert skal lýðurinn lúta?
Lögin kann enginn fá,
nema baugum býti til;
tekst inn tollr og múta,
taka þeir klausu þá,
sem hinum er helst í vil.
Vesöl og snauð er veröld af þessu klandri,
völdin efla flokkadrátt í landi,
harka málin hyljast mold og sandi, –
hamingjan banni, að þetta óhóf standi.
_ _ _

Svo eru ágjörn augu
auðugs manns og brjóst
sem grimmt helvítis gin,
dofin sem drukkin í laugu
draga til leynt og ljóst
auð, sinn æðsta vin,
æ því heldr sem hann hefur góssið meira
heit ágirndin þyrst er á enn fleira,
líkt sem sandur, sjór eðr sprungin leira,
sá eg ei nær að honum skuli allvel eira.
_ _ _

Þú ert á þessu móti
þvílíkt líf og sál,
sem skilst við heiminn hér,
þú ert ei gjörðr af grjóti
og getr ei klæðst með stál,
þú flytr ei fé með þér,
tak nú vara þér, tími er aftur að venda,
túlka ber þér fram í veginn að senda.
Herra Jesús láti oss lukku henda,
lífið gott og langt, en bestan enda.

fratres

eftir Arvo Pärt er bara svo mikil snilld. Búin að vera að hlusta á það, alltaf af og til, síðan um daginn, einn nemandi minn frétti að við værum að spila það og vill óður og uppvægur fá að spila clavespartinn. Hlakka til að byrja að æfa það, nóturnar eru víst á leiðinni.


bland í poka

teljari

  • 373.397 heimsóknir

dagatal

júlí 2021
S M F V F F S
 123
45678910
11121314151617
18192021222324
25262728293031

sagan endalausa