tíu vikna önninni í LHÍ lokið, á bara eftir að reikna út einkunnir og skila, ég set metnað minn alltaf í að vera fyrsti kennarinn sem skilar einkunnunum, oftast tekst það nú.
Fyrsti áfangi í jólafríi, var reyndar stórfurðulegt að heyra fyrstu gleðilegjólakveðjuna eftir tíma í gær.
Komin í pásu í leikfimi líka, alveg kominn tími á það, þurfti að þvinga mig út alla síðustu viku. Byrjuð að láta renna í bað og allt en nei, það ER SÍÐASTA VIKAN, DRATTASTU ÚT!
En svei mér þá ef ég er ekki bara að komast í jólastemningu, og það er ekki einu sinni kominn fyrsti í aðventu, hvað þá fyrsti des. Hefur kannski eitthvað með það að gera að við héldum hlaðborð fyrir Pólverjana, krakkana okkar og foreldra eftir námskeið á sunnudaginn var og þar var á boðstólum hangikjöt og laufabrauð, rúgbrauð og síld, lax og paté – held við getum alveg sparað okkur að fara á eitthvað jólahlaðborð í ár.
tölvuóða tónskáldið 
Ég trúi því ekki að þú sért að breytast í nóvember-jólabarn, hatrammur baráttumaður gegn jólatali fyrir 1. des í denn:) Og hlakka til að hlusta á þáttinn, einhvern tímann á næstu dögum.
haha, ákvað bara að ég nennti ómögulega þessu eilífa nöldri! Kannski hefur það samt borið allavega smá árangur, amk. er ekki enn búið að kveikja á jólaljósunum á Laugavegi og Skólavörðustíg þó komið sé fram yfir miðjan nóvember. Öðruvísi mér áður brá.
Góða skemmtun að hlusta 😀
Hahaha! Hildurgunnur nóvemberjólabarn!