í dag var annað skiptið

á stuttum tíma sem ég ek fram á bíl sem hafði farið út af vegi. Rauður fólksbíll hálfmarandi í kafi í polli úti á Álftanesi. Sem betur fer hafði nú ekki farið eins illa þarna og í fyrra skiptið – það var nefnilega í Arnarfirði seinnipart júlí.

Svo þegar ég var búin að sækja krakkana í sund í nýju fínu laugina og fá mér frekar vonda pizzusneið (mæli frekar með skinkuhornunum í laugarkaffiteríunni) og við keyrðum til baka var búið að draga bílræfilinn upp úr og hann stóð óttalega umkomulaus eitthvað í vegkantinum. Bömmer.