ahh, það var nú gott. Síðasti kennsludagurinn í dag, búin að skrifa allar umsagnir – mikill munur síðan dacapo kerfið fór á server og hægt er að vinna þetta heima. Reyndar kennarafundur á miðvikudaginn og skólaslit á föstudaginn en þetta er samt bara lúxus.
Tvær kennsluvikur eftir í Hafnarfirði, hins vegar.
er ekki alltaf þannig að þegar maður er stressaður og mikið um að vera þá dreymir mann eitthvað rugl?
Mig dreymdi allavega í nótt að ég hefði tekið að mér grunnskólakennslu, væri með fyrsta bekk, árið að verða búið, ég algerlega búin að missa öll tök á bekknum, brjálaðir krakkar, enginn hafði unnið heimavinnuna allan veturinn, ég hafði aldrei verið í sambandi við foreldrana, allt í kássu.
Frekar fegin að vakna…
tölvuóða tónskáldið 
Nýlegar athugasemdir