með pákuleikarann sem sló í gegn.
eins og Ella giskaði réttilega á, sló hann í gegn um pákuna – skinnið hefur væntanlega verið veikt fyrir. Brást óaðfinnanlega við, sneri pákunni og kláraði kaflann, skaust síðan fram í næsta kafla sem hann var ekki að spila í, hringdi í rótara, skipaði þeim að fara heim til hans og sækja hans prívat pákusett og koma með PRONTÓ! svo svona tíu til fimmtán mínútum síðar var annað sett komið, fyrst fyrir pákuna sem brást, svo milli hluta í verkinu var hinni pákunni laumað inn – mun betra að hafa sett sem passar saman.
Ég skil eiginlega ekki hvers vegna Frank pákuleikari var ekki látinn standa sérstaklega upp og hneigja sig í lokin fyrir þessa glæsilegu björgun…
(hér má heyra upptökuna, pákuslagið er í lok annars kafla, ruv.is sýnir því miður ekki nákvæman tíma til að segja ykkur)
tölvuóða tónskáldið 
Jahérna! Alveg fór þetta fram hjá mér. Mér fannst einmitt að Frank hefði átt að standa upp (þótt ég hefði ekki vitað af þessu snarræði hans) – bara af því hann var svo æðislegur í þessu!
haha, Árni tók ekki eftir þessu heldur, út úr miðjum kór, enda var þetta fáránlega vel gert hjá honum, bara eitt einasta slag sem þetta heyrist, og svo var þetta bara spurning um að vera í sjónlínu.
Snilld! Ég dáist að fólki sem hefur innsæi til að bregðast hárrétt við því sem upp á kann að koma á sviði. Sumir frjósa bara þó að þeir hinir sömu séu kannski kokhraustir fyrirfram. Mér hefur sem betur fer oftast tekist þetta þokkalega en maður veit aldrei..
Var að átta mig á því að miðað við útlit hljótum við Indra að vera náskyldar! Jafnvel eineggja, plásturinn og allt! Ef til vill sjónvandamál hjá annarri okkar, er ekki viss hvorri. Sæl systir.
Það er laukrétt. Við erum sláandi líkar og getur tæplega verið tilviljun. Verðum í bandi Ella – gaman að sjá þig.
Mér finnst þetta magnað að lesa!!!
Þetta er auðvitað ekkert minna en rosalegt.