Sarpur fyrir desember, 2008



diskurinn

minn með Guðbrandsmessunni kemur út á eftir.

Vííí!

upp í stiga

Jón Lárus stóð upp í stiga í svo sem hálftíma áðan að setja upp útiseríuna. Hér er útkoman, við erum bara nokk ánægð með nýju seríuna (keypta á útsölu eftir síðustu jól, vorum ekki að spreða og spandera núna, skoh…)

heh

bíðið þið, átti ekki að vera svo gott að hafa bankana skráða hér á landi, þar sem við fengjum svo mikla skatta af þeim (svona burtséð frá því hvað bakreikningurinn reyndist hár)?

Þetta grefur pínulítið undan því, ekki satt?

brauðið

tókst feikivel, þetta verður sko gert aftur.

lúxus

er þetta að geta sent börnin sjálf í sund og vera sjálfur heima í rólegheitunum. Ekki verra að rífa stráksa frá tölvu og sjónvarpi…

gæði hveitis

Pillsbury’s hveiti var á tilboði einhvers staðar um daginn (Fjarðarkaupum?), vorum að taka þann pakka í notkun. Ótrúlegur munur á píadínunum, ég hefði ekki trúað því. Langbestu slíkar sem við höfum gert. Hugsa við splæsum í þetta hveiti áfram, jafnvel þó muni svolitlu í verði.

heimilisiðnaður

fyrir utan að mæta á mótmæli í dag (hittum þennan bloggara og þennan líka – og auðvitað marga fleiri) vorum við ansi hreint öflug, settum yfir deig í þetta brauð, bakast á morgun, töppuðum á flöskur í heimavíngerðinni og nú er verið að búa til deig í píadínur fyrir kvöldmatinn.

Maður reddar sér.

Hlakka annars verulega til þess að smakka þetta brauð.

þögn

mæta ekki allir á stutt en afskaplega hnitmiðuð mótmæli niðri í bæ á eftir? Þegjum í 17 mínútur, eina fyrir hvert ár Sjálfstæðisflokksins í stjórn, samfleytt.

Frábært veður, ekkert til að stoppa fólk frá að mæta.

neeeeiii

ekki er það nú Jón Sig sem hefur setið styst sem formaður Framsóknarflokksins. Það eru ekki 9 mánuðir síðan Valgerður tók við, er það?

bankasveinarnir

fékk þessa slóð senda, er reyndar búin að hnika til nokkrum smáorðum. Gott samt.

fablab

hann Smári keyrir íslenska Fab Labstöð (má hvorttveggja lesa sem Fabrication Laboratory og Fabulous sama). Nú er verið að hleypa af stokkunum slíkri stöð í Afghanistan, kíkið endilega á frásögnina og ekki er verra ef þið getið séð af þúsundkalli. Fáránlega ódýrt að setja upp en gæti skilað frábærum árangri í þessu stríðshrjáða landi.

mig langar

í svona köku þegar ég verð 100 ára:

Elliott Carter, eitt af höfuðskáldum bandarískrar tónsköpunar varð sem sagt 100 ára í gær. Lesið endilega greinina um hann í NY Times í dag.

eftirmæli

um fráfarandi Bandaríkjaforseta má finna hér:

Mikið mætti einhver taka sig til og setja saman svona klippu um íslenska ráðamenn. Lára Hanna er góð og er með helling, en það þarf að henda svona saman í eitt. Og birta í sjónvarpinu.

Fundið hjá Kjarnanum.

vorum að rifja upp

við ellibelgirnir á ircinu í dag hvað veturnir voru nú alltaf harðari hér í gamla daga, mikið meiri snjór, kaldara, ekki þetta sífellda slabb. Dró þessa mynd fram í dagsljósið, hún er ekki tekin á Akureyri né Ísafirði heldur bara hér í Garðabæ.

Svona hefur örugglega ekki komið hér síðustu 30 árin. Reyndar ágætt.

fífa var að teikna

klikkað flott mynd, sérstaklega hárið:

ljóðið

jæja, enginn getur giskað, kannski ekki skrítið.

Ljóðið er Sköpun mannsins.

Alfaðir í Eden fann
apa sem um greinar rann,
ætlaði að gera úr honum mann,
sem elskaði guð og náungann.

Sat hann við með sveittar brár
sextán hundruð þúsund ár.
Apinn reyndist þrjóskur, þrár,
þykkjukaldur og hyggjuflár.

Að hálfu leyti api enn,
eðlin geymir tvenn og þrenn,
lítil von hann lagist senn.
Lengi er guð að skapa menn.
Örn Arnarson

var á

snilldartónleikum áðan, Fæðing Frelsarans, níu hugleiðingar fyrir orgel, eftir Olivier Messiaen, Hallgrímskirkja og útvarpið, Björn Steinar Sólbergsson spilaði og Trausti Þór Sverrisson las, ótrúlega magnað.

Fékk reyndar skelfilegt hóstakast í næstsíðasta kaflanum, fárveikur og viðkvæmur, mikið rosalega var erfitt að halda því í skefjum. Hélt fast að hálsinum þar sem mig kitlaði, reyndi að ræskja mig svo ekki heyrðist, engdist bókstaflega í sætinu. Sessunautur minn átti síðan tyggjó, reddaði mér fyrir síðasta kaflann. Gat reyndar hóstað þar nokkrum sinnum án þess að heyrðist, Klaisorgvélin á fullu blasti drekkir smá hósta fremur auðveldlega…

enginn mættur

í tímann hjá mér núna, kortér búið, myndi fara nema vegna þess að annar nemandinn var búinn að segjast tefjast eitthvað – ef hann kæmi. (hmm, spurning um að grafa upp númerið hjá honum til að vita hvort hann mun sýna sig).

Komst að því að það er lokað fyrir flettismettisaðgang á þjónum Hafnarfjarðarbæjar, eins reyndar með moggabloggið. Þarf svo sem ekki að koma mikið á óvart…

humar

fékk sendingu af humri með flugfélaginu Örnum, í gær, í skiptum fyrir bókakassa. Takk Gulla, við hlökkum til að fá okkur humar í forrétt um jólin.

principle


bland í poka

teljari

  • 371.611 heimsóknir

dagatal

desember 2008
S M F V F F S
 123456
78910111213
14151617181920
21222324252627
28293031  

sagan endalausa