fargi af mér létt

aðalfundur Hljómeykis er núna á föstudaginn (gaah, heima hjá mér, ég þarf að taka til!), ég er ein með prókúru hópsins, gjaldkeri er að fara yfir reikninga. Finnst þá ekki millifærsla til mín upp á heilar 40.520 krónur af reikningi kórsins. Þann 19. maí. Engin kvittun á móti. Jújú, þetta er inn hjá mér. 10 dögum áður en við fórum út til Frakklands (þarna hefði ég reyndar átt að tengja), engin færsla út sömu upphæðar, engar tvær eða þrjár sem hefðu samanlagt gert þessa upphæð, ekkert dularfullt í kring.

Við gjaldkerinn gátum bara ekki með nokkru lifandis móti munað hvað þetta var.

Ekki fékk ég greitt fyrir verkið sem við tókum með út, nei (hmm, það var nú alveg upphæðarinnar virði, held ég – en ég ætlaði ekkert að rukka fyrir það samt). Ekki mundi ég eftir að hafa selt Hljómeyki neinn gjaldeyri, enda nóg við slíkan að gera sjálf. Grandskoðaði reikninga, braut heilann, ekkert fannst.

Þar til að mér hugkvæmdist að skoða bloggið frá þessum tíma. Hvers vegna mér datt það ekki í hug fyrr, veit ég ekki. Margoft getað flett upp hlutum þar sem ég hef þurft að rifja upp.

Þennan tiltekna dag var ég sem sagt alls ekki á landinu. Ótölvutengd í Frakklandsferð Suzukikennara (á hótelinu var tölva sem gegn okurverði var hægt að fara á netið á, ég gerði það einu sinni og þá fór ég ekki í einkabanka). Jón Lárus hefur ekki aðgangsorð né staðfestingarlykil að Hljómeykisreikningnum þannig að þetta gat bara engan veginn stemmt.

Hringdi í Finnboga gjaldkera og þegar þetta kom upp rámaði hann í að Jón hefði sent honum póst og beðið að millifæra á reikninginn minn. Jújú, passaði, þá var ég að gera upp við kirkjuna sem við ætluðum að halda tónleika í, viku seinna, í París. Tók ekki nótu þar.

Mikið ofboðslega er ég fegin að hafa fundið út úr þessu!

Svo er reyndar önnur færsla sem við könnumst ekki við. Bakarameistarinn, kyrfilega borgað með Hljómeykiskortinu, daginn eftir tónleika hér, eftir að við komum heim. Virðist vera fyrir fjóra en þó bara drykkur fyrir einn:

Hollustu-speltloka 595
Múffur smurðar x2 1290
Beikonbræðingur 695
Kókómjólk 1/4 L 105
Poki 10
——————————
Samtals 2695

Múffur, smurðar, veit ég ekki hvernig líta út. Kókómjólk drekk ég ekki og kaupi bara fyrir börnin mín. Beikonbræðingur hljómar vel, reyndar. Hollustu-speltloka – nú veit ég að systir mín liggur í hláturkrampa, vitandi að slíkt myndi ég tæpast kaupa ótilneydd.

Hvað í ósköpunum var þetta? Varla tekið óvart vitlaust kort, Hljómeykiskortið er allt öðruvísi á litinn en venjulega debetkortið mitt og þá hefði ég tæpast tekið samviskusamlega nótu og hent í Hljómeykiskassann.

Svör óskast ef einhver lesandi (þá tengdur kórnum væntanlega) man hvurn dauðann við vorum að gera, daginn eftir Háteigskirkjutónleikana… (nei, lausnin er ekki á blogginu í þetta skiptið)

En mikið hrrrrikalega er gott að geta flett sér upp á blogginu, annars…

Auglýsingar

8 Responses to “fargi af mér létt”


  1. 1 maggi 2008-11-30 kl. 23:29

    Er þetta ekki fundurinn heima hjá Hallveigu í sumar þegar við vorum að gera umsókn fyrir barokktónleikana. Við fórum út í bakarí og keyptum eitthvað smurt brauð og svoleiðis.

  2. 2 hildigunnur 2008-11-30 kl. 23:33

    Ahh, Maggi, passar. Snilld 😀

  3. 3 hildigunnur 2008-11-30 kl. 23:35

    bloggið bara rúlar…

  4. 4 Finnbogi 2008-11-30 kl. 23:45

    Svona fer þegar gjaldkeranum er ekki boðið á fundi… 🙂

  5. 5 hildigunnur 2008-11-30 kl. 23:46

    hahaha, ég held nú að þú hafir alveg verið boðaður en ekki komist, ef ég man rétt 😀

  6. 6 Vælan 2008-12-1 kl. 00:18

    þá er bara stóra spurningin.. HVER FÉKK KÓKÓMJÓLKINA???

  7. 7 hildigunnur 2008-12-1 kl. 00:23

    Væla, örugglega Ragnheiður Dóra 😀

  8. 8 Þóra Marteins 2008-12-1 kl. 14:03

    Ég kemst ekki á aðalfund 😦
    Er í óvissuferð með vinnunni. Gef þér hér með atkvæðisrétt minn ef það þarf að kjósa um eitthvað 🙂


Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s




bland í poka

teljari

  • 370.297 heimsóknir

dagatal

nóvember 2008
S M F V F F S
« Okt   Des »
 1
2345678
9101112131415
16171819202122
23242526272829
30  

sagan endalausa

Auglýsingar

%d bloggurum líkar þetta: