góð grein

hjá honum Matta. Hvað eru öfgar? Hvað eru talibanar?

10 Responses to “góð grein”


  1. 1 vælan 2008-06-20 kl. 09:25

    hvað eru öfgar? jaaa.. mér finnst t.d. það að eyða allri orku sinni og öllum aukafrítíma fyrir utan vinnu og fjölskyldulíf í að agnúast út í og nöldra yfir hegðun og skoðunum annarra vera öfgar. En það er bara ég.

  2. 2 ella 2008-06-20 kl. 09:49

    Æi, ég veit ekki með þessa grein. Hún er ofurlítið öfgafull í sjálfri sér. Öfgar er einfaldlega það að kunna sér ekki hóf. Hvort sem um er að ræða í að tjá skoðanir á t.d. stjórnmálum og trúmálum, eða í áti, söfnun hvers konar o.s.frv. Talibanar eru einfaldlega stjórnmálahreyfing byggð á trúarskoðunum sem flestir eru raunar sammála um að eru skelfilega öfgafullar. Mér finnst það samt ekki réttlæta það að kalla öfgafulla manneskju talibana frekar en til dæmis græningja. Sumum finnst þeir afskaplega öfgafullir. Liggur við að mér finnist talibönum hampað með því að nota orðið sem samheiti fyrir óskylda hluti.

  3. 3 hildigunnur 2008-06-20 kl. 10:01

    Maður á semsagt bara að þegja og láta yfirgang kirkjunnar yfir sig ganga? Því hann er svo sannarlega til staðar. Hún agnúast náttúrlega aldrei út í skoðanir trúleysingja? En það eru náttúrlega engar öfgar, það er eðlilegt. Right? Og maður á ekki að svara þegar það er skipti eftir skipti logið upp á mann. Nei, öfgar skulu það heita, og talibanismi.

    Ég er ekkert alltaf sammála Vantrúarmönnum, ég get svo sannarlega unnað fólki þess að trúa og virt skoðanir og lífsgildi þess. En ég bara get til dæmis ómögulega verið sammála því að það sé ekki hægt að vera siðaður sé maður ekki kristinn, að það sé ekkert siðgæði til nema kristið, eins og skipti eftir skipti kemur frá kirkjunnar mönnum. En það eru ekki öfgar, er það? Nei, eðlilegt. Eða hvað?

  4. 4 hildigunnur 2008-06-20 kl. 10:18

    og veistu, agnúast út í skoðanir annarra, ég hef eiginlega ekki séð neinar þannig greinar frá þeim (þó það komi svo sem alveg stundum í svarhölum á bloggi og þannig), aðalbaráttan er gegn trúboði í skólum. Sem mér finnst bara aldrei nokkurn tímann eiga rétt á sér.

  5. 5 ella 2008-06-20 kl. 10:54

    Ég á alls ekki við að fólk eigi að hika við að tjá skoðanir sínar. Og ég held raunar að skoðanir okkar á trúmálum fari nokkuð saman. Það sem ég var að reyna að tjá var að mér finnst skipta miklu máli hvernig skoðanir eru settar fram. Það þarf að vera málefnalegt og markvisst en ekki í upphrópunum og alhæfingum. Mér finnst að það sama eigi að gilda varðandi trúmál og kynlíf: Allt í lagi mín vegna svo lengi sem það meiðir engan ANDLEGA eða LÍKAMLEGA. Þessir tveir varnaglar eru MJÖG víðtækir. Ég vil taka fram að ég var ekkert að taka afstöðu með eða á móti einum eða neinum í fyrri athugasemdinni.

  6. 6 ella 2008-06-20 kl. 10:58

    Já og ég er líka andvíg trúboði í skólum en ég vil trúarbragðakennslu. Um alls konar trúarbrögð. Meir að segja hvað talibanarnir eru að fara. Við þurfum að kenna börnunum að það að skilja er ekki það sama og að samþykkja. Fyrirgefðu vaðalinn í mér.

  7. 7 vælan 2008-06-20 kl. 11:58

    Ég er líka á móti kristinfræði í skólum og hef látið vita af því í skólanum hennar Ragnheiðar, ég vil að það sé kennd trúarbragðafræði en ekki kristinfræði.

    Mér finnst bara hallærislegt að halda því fram að þetta séu ekki öfgar. Það var nú það eina sem ég sagði. Ég er fullkomlega sammála því að samanburðurinn við talibanisma er fáránlegur, hef aldrei skilið þá samlíkingu en öfgar eru það. Æsingurinn og tíminn sem fer í þessa baráttu eru hjá sumum einstaklingum hreinar öfgar. Þeir einstaklingar eru beggja megin borðsins og ég mæli hvorugu bót.

    p.s. VÍST eru þeir hjá vantrú oft að agnúast út í skoðanir kristinna. Og víst eru kristnir oft að agnúast út í skoðanir vantrúarmanna. Að halda öðru fram er bara barnaskapur.

  8. 8 hildigunnur 2008-06-20 kl. 16:53

    Væla, jújú, algerlega, en þar ætla ég ekki vera sammála þeim. (hvorki þeim trúuðu eða trúlausu). En eins og þú segir, að kalla það talibanisma er algerlega út í hött.

    En mér finnst samt að ýmsir séu stimplaðir öfgatrúleysingjar bara vegna þess að þeir halda ekki kjafti. Ekki bara þeir sem ERU öfgafullir.

    Ég vil líka kenna trúarbragðafræði, jafnvel má það alveg heita kristinfræði til að byrja með fyrir mér. En ekki biðja bænir í skólanum og skylda börnin til að fara í messur (og já, það er gert). Ég varð verulega fúl þegar Fífa fékk svarið: Nei, því þá vilja allir sleppa, þegar hún bað um undanþágu frá kirkjuferðinni fyrir jólin í hitteðfyrra.

    Ég er tilbúin til að standa upp og segja svona – kannski verð ég þá stimpluð öfgatrúleysingi einhvers staðar.

    Ella, hér má vera með eins mikinn vaðal og vill 😀 Alveg sammála þér.

  9. 9 SVanfríður 2008-06-20 kl. 17:30

    Mann syfjaði í kirkju
    Ort 1845 eða fyrri.

    Þótt vér eigum þennan prest
    er þjóð til dyggða hvetur,
    í hans hjörð er andleg pest,
    enginn læknað getur.

    Bólu-Hjálmar

  10. 10 Matti 2008-06-20 kl. 22:16

    „…mér finnst t.d. það að eyða allri orku sinni og öllum aukafrítíma fyrir utan vinnu og fjölskyldulíf í að agnúast út í og nöldra yfir hegðun og skoðunum annarra vera öfgar.“

    Fyrir utan vinnu, fjölskyldulíf, fótboltagláp, ljósmyndun, tölvuhangs og ýmislegt annað. En já, ég tek punktinn til mín 🙂 Ég eyði hellings tíma í þetta.

    Svo getur allt félagsstarf verið gefandi, hvort sem það snýst um tónlist, fótbolta eða trúleysi.


Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s




bland í poka

teljari

  • 373.798 heimsóknir

dagatal

júní 2008
S M F V F F S
1234567
891011121314
15161718192021
22232425262728
2930  

sagan endalausa


%d bloggurum líkar þetta: