nýjar gamlar

myndir á myndasíðuna, var eiginlega alveg kominn tími á að það væru ekki páskaeggjamyndir hér til hliðar. Var að vinna í nokkrum myndum í iPhoto, aðallega krakkarnir og kisa.

betri bær

sniðugt uppátæki hjá þessu fólki, jafnvel þótt það hafi víst óvart málað yfir veggskraut á Kaffi Hljómalind. (Snorri minn, það var þetta með eggin og eggjakökurnar…)

Að minnsta kosti er borgin ekki búin að gera mikið af viti, rétt á meðan á 102 dögunum stóð voru (ef ég man rétt) fest kaup á brunasárinu í Lækjargötu/Austurstræti. Þegar Villi tók við átti að minnsta kosti svo sannarlega að taka til í borginni. Þó hún hafi ekkert verið hrein og fín fyrir, þá hefur hún að minnsta kosti snarversnað…

þeytispjald

ég í morgun, fyrst skrifa nokkra pósta, þá koma Finni út, þá lesa og skrifa pósta og senda sms, (loookaúúútkaaalll fyrir kórfólk að borga, þurfum að borga flugmiðana í dag og það er ekki inni fyrir því á reikningnum), rjúka niður í Suzukiskóla með sellóið (mamma reddar mér í dag og fer með Freyju í tíma), í bankann, millifæra af safnreikningi á tékkareikning svo gjaldkerinn geti borgað miðana – ef fólkið borgar í dag – jú og skipta blessaðri ávísuninni sem ég talaði um hér fyrir nokkrum dögum.

Niður í skóla, 7 mín. of sein í kennslu – enginn nemandi hér.

Flestir ætla ekki að koma fyrr en hálfellefu en ég vissi ekki nema einn myndi mæta hálftíu, þorði ekki annað en að koma eins fljótt og ég gat. En mér sýnist á öllu að ég hefði ekki þurft að hlaupa svona. Mögulega getað farið með skattadótið upp í Breiðholt til hans Trausta endurskoðanda…