Sarpur fyrir 4. nóvember, 2007

var svo að fatta

annan orðaleik (eins og með avada kedavra um daginn)

Þurfti að segja Laugardagslögin upphátt til að skilja. Hef það mér til afsökunar að ég hef bara einu sinni horft á þáttinn og ekki hugsað mikið um hann.

var að lesa

póstana mína frá því ég lá í lungnabólgunni hér fyrir tveimur árum.

Var gersamlega búin að steingleyma því að ég þurfti sterakúr til að losna við hóstann. Úff. Vona ég sleppi við það í þetta skiptið.

Freyja notar svo

miðann minn á óperuna í dag (mu).

Fífa sagði að hún hefði heyrt í Hallveigu hlæja alla frumsýninguna og svo kom vinkona hennar (sem N.B. er ekki tónlistarmenntuð) á sýninguna í gær og þá heyrði hún hlátur hennar í gegn allan tímann líka. Átti mjög erfitt með að detta ekki í hlátursköst sjálf við þetta. En sýningin greinilega tær snilld.

Mér finnst verst að ef ég fer á þriðjudaginn fæ ég ekki að sjá hann Skúla vin minn í stóru hlutverki, hann og annar skipta milli sín hlutverki greifans í sýningunni. En ég vil engan veginn missa af þessu, ef ég mögulega treysti mér á þriðjudagskvöldið þá fer ég (ég veit að ég á ekki eftir að treysta mér á hljómsveitaræfingu, 2 1/2 tími verður bókað of mikið, en annað að sitja í klukkutíma og kortér og hlæja (hmm, meira álag á þindarræfilinn?))

vaknaði bara

fjórum eða fimm sinnum í nótt til að hósta, veit að það hljómar sosum ekki vel en þvílíkur geðveikur munur frá fyrrinóttinni, þið trúið því ekki. Gat meira að segja legið smá á hlið (ekki bara nærri setið, með hrúgu af púðum og koddum undir höfðalaginu).

Þetta virðist virka.


bland í poka

teljari

  • 374.140 heimsóknir

dagatal

nóvember 2007
S M F V F F S
 123
45678910
11121314151617
18192021222324
252627282930  

sagan endalausa