Sarpur fyrir 9. ágúst, 2007

annars

er ég að syngja í símakór þessa dagana, verk eftir Nico Muhly á Kirkjulistahátíð á laugardaginn kemur. Bara fjári flott verk, verður fyrst eftir H-moll messuflutninginn (sko fyrsta skipti á Íslandi með barokksveit, munur! Hvað verður hægt að finna næst? fyrsta skipti á Íslandi með, hmm? einsöngvara frá Nicaraqua?).

Annað símakórsgigg handan við hornið. Um að gera.

vandræðalegi túristinn

hann Þorbjörn bróðir (nei, hann er ekki vandræðalegur túristi) var í mat hjá okkur, var að kveðja og við fylgdum honum út.

Bar að túrista með myndavél. Beindi vélinni að forljóta ónýta húsinu hér bak við, þá að hendinni á sér, nú hingað, þá þangað. Við vorum svona rétt að spjalla um ókosti Moggabloggs og lýðinn þar inni, þannig að við stóðum smástund úti.

Svo fór Þorbjörn og við fórum inn. Út um gluggann sést túristinn loksins þora að taka mynd af húsinu. Leiðinda húseigendur að vera að þvælast úti á palli, húsið náttúrlega ekki nándar nærri eins myndvænt (er það ekki íslenska yfir picturesque?)

hmmmm

Freyja virðist þurfa að skipta um sellókennara einn ganginn enn. Það verður þá fjórði kennarinn hennar. Vonandi fer hún ekki upp í 15, eins og mamma hennar með fiðlukennara…

Decimo giorno

Fórum á markað og fengum kast, keyptum slatta af dóti. Og ég sem finn yfirleitt aldrei neitt á svona mörkuðum. Var samt súr yfir að það skyldi ekki vera neinn matarmarkaður, bara föt og dót.

Finni tókst að verða bílveikur bæði á leiðinni þangað og til baka (keypti á hann flottar nýjar stuttbuxur, gat ekki látið barnið ganga í útældum buxum, ræfilinn – fór ekki á hausinn, þær kostuðu 2 evrur). Hann á alls ekki vanda til að verða bílveikur, en þessar hæðir, hólar og beygjur fóru ekki sérlega vel í greyið.

� nýjum stuttbuxum

Á leiðinni til baka í húsið, renndum við til Smerillo og tókum út veitingastað sem okkur hafði verið bent á. Smástund að finna innganginn en þegar inn var komið leist okkur ekki smá vel á. Pöntuðum fyrir alla á föstudagskvöldinu.

Heim í hús. Jón Lárus tók skokktúr dauðans (alveg upp í 20% halla, hann segir sjálfur frá hérna). Veiddist næststærsta vespan sem við sáum í ferðinni (já, við sáum eina stærri – OG ógeðslegri)

vespa dauðans

Annars var það bara sólbað og laug, fórum síðan nokkur á veitingastað rétt fyrir utan Comunanza, þjónninn ætlaði ekki að átta sig á þessum barbörum sem vildu sumir fá primo piatto og aðrir secondo piatto og allt átti þetta að koma í einu. Tókst þó á endanum. Maturinn snilld og ekki síðri var anísbrennivínsnafs sem eigandinn gaf okkur, hans eigin framleiðsla, í boði hússins í lokin. Algjört sælgæti, gaf okkur meira að segja restina úr flöskunni með upp í hús.

Kvöldstemning að vanda:

kvöldstemning


bland í poka

teljari

  • 373.924 heimsóknir

dagatal

ágúst 2007
S M F V F F S
 1234
567891011
12131415161718
19202122232425
262728293031  

sagan endalausa