fleh!?

Var að fá bréf frá stjórnarmanni í foreldrafélagi Austurbæjarskóla. Líst lítið á blikuna.

Málið er að nú á að fara að sprengja fyrir bílakjallara við Iðnskólann, ásamt því að stækka skólann. Jú, það vantar bílastæði og meira húsnæði. Skiljanlegt.

Ætli maður þyldi ekki sprengingarnar og lætin á meðan, hundleiðinlegt ástand á holtinu en tímabundið. Hins vegar líst okkur afleitlega á að samkvæmt deiliskipulagstillögu á innkeyrsla í bílakjallarann að vera um Vitastíg, milli Austurbæjarskóla og leikskólans Óss. Tek ég hér beint upp úr bréfinu:

„Þeir sem koma akandi með börn sín í skólann og setja þau úr á horni Vitastígs og Bergþórugötu til að nota Vitastígsinngang skólans, vita hvaða öngþveiti getur myndast þarna á horninu um áttaleytið á morgnana. Það er engin leið að ímynda sér glundroðann og slysahættuna ef 130 bílar til viðbótar eiga erindi um þessi gatnamót á sama tíma og misvel vöknuð börn eru að mæta í skólann á dimmum vetrarmorgnum“.

Þetta er náttúrlega bara svo arfavitlaust að nær ekki nokkurri átt.

Skoðið krækjuna hér.

Fylgist með hér á síðunni, ég á örugglega eftir að auglýsa undirskriftalista á móti…

nammi

Lehmann Wild Card Shiraz og bræddi paprikuosturinn frá MS er fáránlega góð samsetning. Það kemur jarðarberjabragð af víninu. Ekki slæmt.

Þetta er alls ekki dæmigert shiraz, reyndar. En gott. Peter Lehmann bara klikkar ekki.