Sarpur fyrir 10. maí, 2006

Runway

Var búin að sjá hver vann, bannað að vera með svona spoilera z!“#&/&“$#%!&%$/. En maður getur reyndar verið þokkalega sáttur við niðurstöðuna. Sería 2 nýbúin víst EEEEEEKKI KJAFTA, ÞARNA!

sumar…

fríið mitt er innan seilingar.

2 „kennslu“dagar eftir, jú, reyndar á ég eftir að búa til og leggja fyrir eitt stykki próf en að öðru leyti er þetta Musopoly og Háskaleikur (glænýr íslenskur tónfræðaspurningaleikur) og svo kaffihúsaferðir með tónheyrnarbekkjunum í Habbnó. Á eftir að sjá eftir hópnum sem er núna í th 6.

Var að sjá út að það er sniðugt að vera bara á einum bíl. Jón Lárus er á bílnum næsta miðvikudag, krakkarnir í tímum sem hann fer með þau í. Ég get fengið mér hvítvínsglas í kaffihúsaferðunum. Sneeeeld

fundafargan

nú er ég ekkert alltaf að þvælast á fundum, skólastjórarnir mínir eru ekki fundaóðir en það er samt búið að boða mig á 3 fundi núna á eftir. Hvað á þetta að þýða?

Fjölskyldan

mínus unglingurinn fór í bingó í gærkvöldi. (ekki þó í Vinabæ). Vinnan hjá Jóni stóð fyrir fjölskyldubingói. Slatti af vinningum, sumir óspennandi en nokkrir bara góðir. Meðal annars bæði gasgrill og pallhitari. Verð að viðurkenna að mig langaði í hitarann.

Ekki unnum við nú neitt, krakkarnir voru hálffúlir, sérstaklega vegna þess að báðir stóru vinningarnir fóru til sömu fjölskyldu. Þvuh. Samt gaman.

Horfðum á Hoodwinked, mæli með henni.


bland í poka

teljari

  • 371.275 heimsóknir

dagatal

maí 2006
S M F V F F S
« Apr   Jún »
 123456
78910111213
14151617181920
21222324252627
28293031  

sagan endalausa