mikið gott veður í dag, krökkunum hent út að leika…

mikið gott veður í dag, krökkunum hent út að leika, jón lárus úti að skokka, ég inni. er nú reyndar að fara á 15.15 tónleika, hlusta á meiri britten og svo james macmillan og francis routh. hann þekki ég bara alls ekki, ekki viss um að ég hafi nokkurn tímann heyrt neitt eftir hann. spennandi.

matarboð hjá okkur í kvöld, fórum í 4 búðir og hringdum í tvær til, til að leita að osso buco kjöti, yfirleitt er hægt að ganga að því í nóatúni við hringbraut en ekki í þetta skiptið. fannst frosið í gallerýi kjöti, liggur nú á bakka á ofninum inni í stofu 🙂 semsagt ossobuco milanese í matinn, ásamt risotto milanese og gremolötu, hrikalega gott. prófa melónu- og berjasalat frá nönnu í eftirmat, gott að hafa eitthvað létt og sumarlegt eftir nautakjötsréttinn.