Sarpur fyrir 21. janúar, 2004

hallveig vildi að ég segði einhverjar hryllingssög…

hallveig vildi að ég segði einhverjar hryllingssögur af paul zukofsky, sem er að fara að stjórna okkur í hinu margumtalaða messiaenverki. ég man svosem ekki margar skemmtilegar, þó ég hafi unnið með honum nokkrum sinnum,

maður var alltaf skíthræddur við hann, en samt var hann mjög skemmtilegur, svona hræðilega skemmtilegur einhvern veginn! augnaráð sem gat drepið, ef augnaráð geta það á annað borð, en alltaf laumandi út úr sér einhverjum gullkornum. hann átti það hins vegar til að taka fólk fyrir, ég held ég geti talið upp alla sem hann tók fyrir á námskeiðunum sem ég tók þátt í hjá honum, oftast var þetta fólk sem voru hans helstu stuðningsmenn og aðdáendur, sérkennileg sjálfseyðingarhvöt þar að verki. ég var alveg í aðdáendaklúbbnum, var þrátt fyrir það búin að sjá mynstrið hjá honum, og þegar hann ætlaði að fara að terrorisera mig, veifaði ég bara bless og stóð ekki í því! hætti við að vera á því námskeiði.

gat svo vel unnið með honum aftur þegar við sungum tímann og vatnið eftir atla heimi! (þá var það atli sjálfur sem paul þoldi ekki, var alltaf að tala um „the Atli Heimir Disease“, hehe)

það er semsagt heilmikil upplifun að vinna með honum. en dyntirnir og tiktúrurnar, maður minn! hann lét til dæmis alltaf keyra sig milli hótels sögu og hagaskóla annars vegar og háskólabíós hins vegar! held það dæmi hafi reyndar skánað með árunum. hann kom varla út undir bert loft, enda snjóhvítur, svona marilyn manson hvítur, eiginlega.

verða þokkalega þéttar æfingar á þessu í næstu viku, 6 þriggja tíma æfingar og einir tónleikar á 9 dögum, urrgh!

quality time með verðandi unglingnum í morgun. hú…

quality time með verðandi unglingnum í morgun. hún fór í lestrarpróf og var semsagt sirka fimm mínútur í skólanum í dag. nemahvað, þar sem ég kenni flesta daga frá 14-19 sé ég hana ekki nema á kvöldin og um helgar; þá er áreitið í toppi, allir heima og litlu krakkarnir þurfa sína athygli. þannig að þegar var búið að skila litla gutta í leikskólann eftir eyrnabólguaðgerð fórum við mæðgur í bæinn, keyptum úlpu og gallabuxur á fífu og fórum á emm sé dónalds. ómetanlegt að ná svona tíma með þeirri elstu, ekki nógu oft sem það tekst.

finnur í bílnum áðan: bíllinn: bzzzzzzzzz! f…

finnur í bílnum áðan:

bíllinn: bzzzzzzzzz!

finnur: pabbi! er þetta draugur???

pabbi: neinei finnur minn, þetta er bara loftnetið

(sem var bilað, munið þið?).

hugmyndirnar hjá blessuðum börnunum!


bland í poka

teljari

  • 373.229 heimsóknir

dagatal

janúar 2004
S M F V F F S
 123
45678910
11121314151617
18192021222324
25262728293031

sagan endalausa