og jólahlaðborð davidsen og poulsen afstaðið með g…

og jólahlaðborð davidsen og poulsen afstaðið með glans

verulega gott! sérstaklega heitu réttirnir, sem ég er annars yfirleitt minnst hrifin af, vil helst bara borða forrétti og eftirrétti á svonalöguðu. en heitu réttirnir voru einhvern veginn ekki eins yfirdrifnir þarna, bara fíngerðir og afskaplega góðir, ekki þurra svínasteikin eða ofeldaða lambið, ónei!

en þjónustan ekki alveg eins góð, megafýldur þjónn hjá okkur, stúlka með hreim sem ég áttaði mig ekki á! hún var til dæmis spurð hvenær eftirréttirnir kæmu, og það var sko ekkert – ekki alveg viss, skal athuga! – heldur bara axlayppting og – hef ekki hugmynd! og svo ekkert gert í því. þjónustulundin (þjónustufilletið???) ekki upp á marga! minnti helst á þennan veitingastað

svo var helga möller að skemmta!

búin að búa til plaköt fyrir tónleikana okkar! ba…

búin að búa til plaköt fyrir tónleikana okkar! bara mjög fín, reiknið með að sjá þau hér og þar eftir helgina! eru í prentun niðri í laserprentara!

þetta verða fínir tónleikar, klukkutíma afslöppun frá jólastressi, flott músík, bæði gömul og ný, vel þekkt og minna þekkt, benni kemur frá færeyjum og stjórnar!

eina sem ég er að spá í er hvar ég geti sett palla og móniku inn í prógrammið án þess að það stingi í stúf, ekki viss um að ég geti fengið þau til að vera órafmögnuð, en restin af prógramminu allt unplugged 😉

hmmm?

en allir taka frá fimmtudagskvöldið 18. des!

meira síðar

freyja spilaði á tónleikum með sellóhópnum sínum á…

freyja spilaði á tónleikum með sellóhópnum sínum áðan, jólatónleikar suzuki í dag. gekk bara vel hjá henni, sérstaklega miðað við að hún hafði ekki hugmynd um að hún ætti að fara að spila, hvað þá hvaða lög yrðu flutt, fyrr en mamma hennar tók við sér um hádegisbilið og mundi eftir tónleikunum! örnólfur sellóhóptímakennari var ekki búinn að ákveða hvaða lög ætti að spila á tónleikunum þegar hann hitti hópinn síðasta laugardag, síðan lét hann alla krakkana vita hvenær ætti að mæta og hvað ætti að spila, í einkatímunum í vikunni!

nema hvað, freyja er bara ekkert hjá honum í einkatímum, heldur hinum sellókennaranum í skólanum! og gullfiskaminnið í mömmunni slíkt að hún hafði ekki rænu á að hringja og spyrja!

en þessir suzukikrakkar kunna lögin svo vel að þetta var svo sem ekkert vandamál! sá ekki betur að hún ruglaðist ekki neitt!