jámm, komið að því, við Jón Lárus fórum í kennslu í dag með Fífu, víst alveg bannað að missa sig við barnið (hvernig förum við að þessu?!?!).
Hún keyrir annars ágætlega, varkár og vakandi og er með fína tilfinningu fyrir breiddinni á bílnum. Hugsa að við verðum ekkert með hjartað í buxunum með henni.
Pabbi sagði við Mömmu þegar hún var eitthvað stressuð yfir því að ég settist undir stýri á sínum tíma: “Lára er betri bílstjóri en þú…. … heldur” (og ég ætla ekki að mótmæla neinu)
Lára, hahahaha
Ég er einmitt í sömu sporum, þe. dóttirin að byrja í æfingarakstri. Ég sagði henni að hennar vegna ætlaði ég ekki að kenna henni. Ég er bara allt of stressuð.
Anda djúpt – það er eina ráðið. Ég man vel eftir þessum tíma, mín dama var ekkert sérlega flink fyrst, en þetta kom allt. Svo fer að styttast í næstu umferð, drengurinn telur mánuðina…E
þetta er heilmikil lífsreynsla. ég er búin með tvö, á eitt eftir:)
Veiga, haha, ég á sko eftir að fara út með minni.
Harpa og baun, já akkúrat!