enn meira rifs

sko, þið vitið ekki af hverju þið eruð að missa, folkens! berin eru ennþá stór, dökkrauð og hellingur af þeim. boðið stendur enn, spurning hvað berin nýtast fuglunum núna þegar við erum komin með kött í húsið!

enn meira rifs Originally uploaded by hildigunnur.

hún vinkona mín er nú fyndin alveg án þess að v…

hún vinkona mín er nú fyndin

alveg án þess að vera að hugsa það neitt sérstaklega er hún alltaf á skjön við alla aðra

nú vonast hún til þess að það skelli á kennaraverkfall

þá þarf hún ekki að vakna svona skelfilega snemma til að moka dótturinni í skólann

ég var ekkert að segja henni að mín eldri dóttir er iðulega vöknuð, búin að fá sér morgunmat, smyrja nesti, pakka niður og lögð af stað í skólann áður en við förum á fætur. dugnaður í fífunni minni!

nýr tengill á tannsmiðinn carolu brýt hérmeð reglu…

nýr tengill á tannsmiðinn carolu brýt hérmeð regluna um að tengja bara á þá sem tengja á mig, þetta er bara OF fyndið. hún er reyndar ekki með neina tengla, þannig að maður þolir að það sé ekki tengt á mann!

strákarnir bara kurteisir og skemmtilegir, fífa og…

strákarnir bara kurteisir og skemmtilegir, fífa og rakel halda þeim selskap, smella saman. brill að fá rakel hingað, hún er svo opin og talar náttúrlega pottþétta ensku, fífa hefði örugglega bara verið feimin ef hún hefði átt að sjá um þá ein og þá hefðum við þurft að hafa fyrir þeim. líka fín æfing fyrir enskuna hjá fífu.

fór í ræktina áðan, er algerlega búin. fyrramálið…

fór í ræktina áðan, er algerlega búin. fyrramálið trúlega harðsperrur dauðans, ójæja. á morgun mæti ég með ipodinn til að gera mér dvölina þolanlega, þetta er ekki uppáhaldsiðjan nema síður sé. maður getur mætt með heyrnartól og tengt sig við sjónvörp sem voru í gangi, en í dag voru í þeim britney spears, lou reed og íþróttaþáttur. takk, en nei takk! ég og poddinn erum góðir vinir 🙂

jæja, klukkan að verða 6, best að fara að undirbúa soft tacos til að gefa familíunni, bandarísku strákunum og vinkonu hennar fífu…

nú koma gaurarnir á eftir, í rigninguna. hefðu át…

nú koma gaurarnir á eftir, í rigninguna. hefðu átt að koma fyrir 2-3 vikum frekar. tónleikarnir þeirra uppi í hallgrími annað kvöld klukkan 20.00 ég held að aðgangur sé ókeypis. þetta er víst einn af fínustu drengjakórum bandaríkjanna, verður spennandi að vita hvernig þeir hljóma og ekki síður hvaða prógramm þeir eru með.

maður ætti kannski að henda í þá einu-tveimur verkum? gáfulegt.

keypti mér árskort í baðhúsinu áðan, nú skulu þess…

keypti mér árskort í baðhúsinu áðan, nú skulu þessi 10 síðustu fá að fjúka

hehe, ein bjartsýn! það má nú samt alveg reyna. við hallveig ætlum saman, förum í kílóakeppnina miklu. eina vitið að fara með einhverjum sem maður getur keppt við, annars gerist ekki neitt.

jæja, þá er ég búin að fá flöskuna sem ég keypti á…

jæja, þá er ég búin að fá flöskuna sem ég keypti á uppboðinu á menningarnótt. hún er alveg tilbúin, þannig að nú er bara að finna eitthvert gott tilefni!

snilld, snilld.

stóra púsluspil í dag vona það gangi vel, fífa …

stóra púsluspil í dag

vona það gangi vel, fífa er að fara í fyrsta fiðlutímann hjá nýjum kennara í dag og ég vildi svo gjarnan fylgja henni. sif kennir heima hjá sér og fífa er smá stressuð að finna staðinn og banka upp á hjá einhverjum sem hún hefur bara hitt einu sinni. skiljanlegt. hallveig verður reyndar með mér að raða og ef við verðum ekki búnar að rúlla þessu upp klukkan fyrir þrjú, getur hún kannski klárað…

en fyrst kennarafundur í suz, verður nú bara gaman að hitta fólkið, flesta hefur maður ekki séð síðan í london. líka alltaf svo fínar veitingar á kennarafundum, ómældar snittur, mmm!

snilldarkvöld í gær, gestirnir stóðu vel undir lýs…

snilldarkvöld í gær, gestirnir stóðu vel undir lýsingunni hjá mér. dagurinn síðan verið iiindæll, meira að segja sólbaðsveður á pallinum síðdegis, ísferð með ungana, frábært.

ekki á morgun heldur hinn fáum við gesti, tveir guttar úr philadelphia boys choir koma hingað og gista tvær nætur, drengjakór reykjavíkur er að taka á móti þeim og þar sem drengirnir þar eru eitthvað færri en 30 en gestirnir um áttatíu þurfti að fá vini og vandamenn kórfélaga til að redda gistingu líka. þessir tveir sem koma hér eru tólf og þrettán ára, vonandi skemmtilegir. fífa og rakel vinkona hennar ætla að sjá um þá á þriðjudagskvöldinu. spennandi.

jæja, við jón, finnbogi og eyvi, ásamt börnum og k…

jæja, við jón, finnbogi og eyvi, ásamt börnum og ketti búin að slátra fullt af reyktum laxi á klettasalati, kálfi parmiggiano og créme brulée, mmm! krakkar farnir að sofa ööö, nei, þau eru niðri að horfa á pétur pan. kannski maður fari að slökkva á varpinu! ein vinkona að gista, var verulega spennt fyrir créme bruléinu en var svo ekki hrifin af hörðu skorpunni þegar til kom, talandi um perlur fyrir svín! vanillubúðingurinn rauk nú tiltölulega auðveldlega niður

best að koma sér til baka í partíið, bless í bili 🙂

eyvi og finnbogi eru að koma í mat, það verður öru…

eyvi og finnbogi eru að koma í mat, það verður örugglega gaman að gefa þeim að borða, annáluð átvögl báðir tveir 😉

er að hlusta á voices of light, stykkið sem við ei…

er að hlusta á voices of light, stykkið sem við eigum að syngja með sinfó, þann 11 nóv. ekkert smá flott, ég hlakka þvílíkt til að fara að vinna það. ekkert af því er neitt mega erfitt þannig að ég hugsa að við þurfum ekki að byrja á því alveg strax, en það er það langt að það verður töluverð vinna við það. en vá hvað ég hlakka til að byrja að æfa það með hljómsveitinni!

mér sýnast jólatónleikarnir okkar verða af bandarísku sortinni, jinga ling dæmið, gaman að því, svona til tilbreytingar. best að bjóða benna (stjórnanda í tímabundnu fríi) á tónleikana, held hann verði á landinu þá 🙂

flugeldasýningin á menningarnótt var alveg flott e…

flugeldasýningin á menningarnótt var alveg flott eins og hún á vanda til, en eins og erna segir hjá sér, var hún meira tilviljanakennd heldur en hönnuð.

ég sá einu sinni flugeldasýningu sem hlýtur að hafa verið hönnuð og útfærð af algjörum snillingi. þetta var úti á lignano, og ég var að mig minnir 12 ára. þar komu á himin myndir af blómum og höllum og dýrum, allslags þannig. alltaf þegar ég sé flugeldasýningar, svona við upphöf ólympíuleika og þannig er ég að bíða eftir einhverju þvílíku, en þetta eru bara alltaf sömu búmmin hingað og þangað um loftið. hélt að ég hefði bara ímyndað mér þetta og fór að tala um það við pabba um daginn. nema hvað, hann mundi bara líka vel eftir þessu og hafði oft hugsað það sama (líka að hann hefði trúlega misminnt þetta allt saman)

þetta er sem sagt hægt. og úr því að þetta var hægt þarna fyrir, humm, tja, 28 árum, ætti það að ganga núna, með öllum þessum tölvustýri- og kveikibúnaði!

jæja, hehe, búin í skannanum, þetta var reyndar þo…

jæja, hehe, búin í skannanum, þetta var reyndar þokkalega sannfærandi, verið að reyna að selja manni einhvern life pack vítamínpakka til að vinna á móti free radicals sem þvælast um líkamann og eyðileggja dnaið í manni. ég trúi alveg á að þeir séu ekki hollir og að maður þurfi fullt af andoxunarefnum en hins vegar hefði ég viljað vita aðeins betur um þennan skanna, það er þokkalega auðvelt fyrir scammara að prógrammera skannann þannig að hann sýni einhvers staðar á bilinu tólf til tuttuguogtvöþúsund (maður á helst að vera yfir þrjátíu að minnsta kosti). síðan er boðið upp á prufukeyrslu, þriggja mánaða skammt af vítamíntöflum (þennan life pack, sem sagt), og tölurnar eiga að hækka á þessu tímabili. þá er voðavoða lítið mál að endurstilla hann þannig að hann sýni á milli þrjátíu og fjörutíuþúsund í staðinn. smáa letrið neðst á blaðinu sem við fengum er svolítið fyndið. þar segir meðal annars:

The Pharmanex Biophotonic Scanner is not intended to be used for medical purposes. It is not a medical device or diagnostic tool of any kind…

sort of says it all, doesn’t it?

er að fara í heilsuskönnun í kvöld, vinkona mín að…

er að fara í heilsuskönnun í kvöld, vinkona mín að dobla mig í eitthvað tékk, maður á að láta lýsa á hendina á sér einhverju skannaljósi í þrjár mínútur og þá eiga þeir að geta sagt manni hvernig varnarstaða líkamans er.

as in glætan!!!

er bara að gera þetta fyrir hana, hún þarf að safna 10 nöfnum í þessa skönnun. ég reyndar veit af því að mig vantar eitt ákveðið vítamín, kannski maður trúi þessu ef það verður útkoman.

framhald á morgun.

ég er alveg hætt að koma mjólk, smjöri og eggjum f…

ég er alveg hætt að koma mjólk, smjöri og eggjum fyrir í ísskápnum mínum, ég get svo svarið að hann er að fyllast af sultu! nú erum við komin með rabarbara, rifs, bláberja, sólberja, krækiberja og hrútaberjasultur (nei, ég gerði þetta ekki allt), ásamt rabarbarachutney. síðan á maður náttúrlega bæði apríkósu- og appelsínumarmilaði úr búð, og gott ef ekki leynist ein four fruit sultukrukka frá st dalfour þarna inni einhvers staðar.

þá er bara að steypa sér í vöfflubakstur og lambalærin, sulta með öllu (ekki þó komin út í steikta fiskinn og – hvað var það nú aftur sem þú varst að segja mér frá, þorbjörn?)

oooo! gleymdi tónleikunum hjá ísafold í gærkvöl…

oooo!

gleymdi tónleikunum hjá ísafold í gærkvöldi, náði ekki að lesa fréttablaðið fyrr en í dag og það er semsagt fullseint. súrt. getið sjálfum ykkur um kennt danni og kristján að vera svona miklir aumingjabloggarar og minna mann ekki á þetta, hehe!

mig langaði verulega á þá og hefði örugglega plöggað líka, sem sagt fullseint 😦

hér með auglýsist eftir jóla- eða aðventusögu sem …

hér með auglýsist eftir jóla- eða aðventusögu sem hentar öllum aldri

má vera heimasmíðuð (smá stefgjöld í boði) eða þá ef einhver man eftir góðri sögu úr bók, má líka mjög gjarnan vera svolítið spennandi.

verkefnið mitt fyrir sinfóníuhljómsveit norðurlands er nefnilega einmitt að skrifa tónlist við jólasögu. ég bara er ekki búin að finna neina sem höfðar til mín 😦

monti mont! fífa var tvær af þeim 57 sem komust…

monti mont!

fífa var tvær af þeim 57 sem komust áfram í nýsköpunarkeppni grunnskólanemenda, inn komu 2517 hugmyndir og fífa átti sem sagt tvær af þeim. önnur hugmyndin í samvinnu við tvær vinkvenna sinna en hina átti hún alveg sjálf. þær eru boðaðar í vinnusmiðju snemma í september til að útfæra hugmyndirnar betur.

flottar stelpur 🙂